نوێنەری پەرلەمانی عێراق : هەرێمی کوردستانی عێراق شەرتو مەرجەکانی حکومەتی ناوەندیی قەبوڵ کردووە
یەکێک لە نوێنەرانی هاوپەیمانیی حکومەتی یاسا لە پەرلەمانی عێراق گوتی : هەرێمی کوردستان ، شەرت و مەرجەکانی حکومەتی ناوەندیی بۆ دەسپێکردنی وتووێژ قەبوڵ کردووە و لە رۆژانی داهاتوودا ، نیشانەکانی چارەسەریی قەیرانی نێوان هەولێر و بەغدا دەردەکەون .
بە پێی راپۆرتی ئیرنا ، جاسم محەممەد جەعفەر لە وتووێژ لە گەڵ سومەریە نیوزدا وتیشی : کاربەدەستانی هەرێمی کوردستانی عێراق چەند رۆژ دەرفەتیان لە حکومەتی ناوەندیی ویستووە تا بۆ دەسپێکردنی دانوستان بڕیار بدەن .
نێچیروان بارزانی سەرۆکی ئیدارەی هەرێمی کوردستانی عێراق بەر لەوە ئامادەیی کوردی بۆ دەسپێکردنی دانوستان لە گەڵ حکومەتی ناوەندیی راگەیاندبوو .
رۆژنامەی واوەناوچەیی شەرقولئەوسەتیش رایگەیاند : دادگای فێدڕاڵی عێراق ئەمڕۆ دوشەممە بڕیاری دواجاری خۆی لە مەڕ پوچەڵ کردنی ئەنجامی گشتپرسیەکەی هەرێم دەردەکات و هەولێریش پێی پێبەند دەبێ .
حکومەتی هەرێمی کوردستانی عێراقیش لە بەیاننامەیەکدا رایگەیاند : هەولێر رێز دەگرێ لە دەنگی دادگەی باڵای فێدڕاڵ لە بارەی مادەی یەکی دەستوور.
حکومەتی عێراق ئەنجامدانی وتووێژەکانی بەستووەتەوە بە قەبوڵ کردنی فەرمیی سەروەریی و یەکپارچەیی خاکی عێراق .
گشتپرسی جیابوونەوەی هەرێمی کوردستان لە عێراق بە پێچەوانەی نەیارەتی توندی حکومەتی ناوەندی و وڵاتانی دیکە و تەنیا لەسەر پێداگریی مەسعود بارزانی لە 25 ی ئەیلوول دا بەڕێوەچوو .