ئه میری کۆمەڵی ئیسلامیی هەرێمی کوردستانی ئێراق: بەڕێوەبەرانی ریفراندۆم، دان بنێن بە هەڵەکانیان دا
ئه میری کۆمەڵی ئیسلامیی هەرێمی کوردستانی ئێراق پێداگری کرد : پارتەکانی هۆگری بەڕێوەبردنی ریفراندۆمی جیابوونەوەی هەرێمی کوردستانی ئێراق، تووشی هەڵەی ستراتژیک بوون و ئێستا دەبێ دان بە هەڵەکانیان دابنێن.
بەپێی ڕاپۆرتی ئیرنا، عەلی باپیر ، ئه میری کۆمەڵی ئیسلامیی هەرێمی کوردستانی ئێراق لە وتووێژ لەگەڵ میدیاکانی کوردی وتی: بەرپرسانی هەرێمی کوردستان ئەگەر جارێکی تر تووشی وەها هەڵەیەک بن، ئەم ناوچەیە لەناو دەبەن.
ئه میری کۆمەڵی ئیسلامیی هەرێمی کوردستانی ئێراق وتیشی : لە کاتێکەوە کە هەرێمی کوردستانی ئێراق، سەرۆکی نییە، ئەم ناوچەیە هێوری بە خۆیەوەدیوە و پێویستە هەرچی خێراتر، گۆڕانکاری بنەڕەتی لەم ناوچەیە دا بکرێت .
ماموستاعەلی باپیر، ڕەخنەی گرت لە کومەڵی ئیسلامی کوردستانی ئێراق، پارتی و یەکێتی ، لەبەر هەوڵدان بۆ بەڕێوەبردنی ریفراندۆمی جیایی هەرێمی کوردستان لە ئێراق .
ماموستا عەلی باپیر وتیشی : ئەگەر پەرلەمانی هەرێمی کوردستانی ئێراق دەسەڵات و هێزی ببایه ، مەسعوود بارزانی بە تەنیایی لە نێو حیزبێک دا ، نەیدەتوانی بۆ بەڕێوەبردنی ریفراندوم بڕیار بدات.
مەسعوود بارزانی 25ی سپتەمبەری ساڵی 2017، بێ سەرنج دان بە نەیارەتی ناوخۆیی و دەرەوەیی و تەنیا لەسەر پێداگری خۆی ، ریفراندۆمی جیایی هەرێمی کوردستان لە ئێراقی بەڕێوە برد .
کۆمەڵی ئیسلامیی ئێراق ، یەکێک لە پارتەکانی نەیاری بەڕێوەبردنی ریفراندۆم بوو و دوای شکستی ریفراندۆمەکەش هاوڕێ لەگەڵ ژومارێکی تر لە پارتەکوردەکانی ئێراق، داوای هەڵوەشاندنی حکو مه تی ڕەسمی لە هەرێمی کوردستانی ئێراق و پێکهێنانی حکومەتی کاتی لەم ناوچەیەی کرد .
