داخوازی بۆ لێپرسینەوەی چەند کاربەدەستی کوردستانی ئێراق
سی ئەندامی پەرلەمانی کوردستان خوازیاری لێپرسینەوەی نێچیرڤان بارزانی سەرۆک وەزیرانی هەرێم ، قوباد تاڵەبانی جێگری ناوبراو و ئاشتی هەورامی وەزیری سەرچاوە سروشتیەکانی هەرێمی کوردستانی ئێراق بوون .
بە گوێرەی ڕاپۆڕتی کورد پرێس ، عەلی ئەحمەد ساڵح ئەندامی کومیسیونی ئابووری پەرلەمانی هەرێمی کوردستانی ئێراق لە وتووێژ لە گەڵ بنکەی هەواڵیی بەغدا ئەلیوم وتی : نێچیروان بارزانی سەرۆک وەزیرانی هەرێمی کوردستان و قوباد تاڵەبانی جێگری ناوبراو بەرپرسی گەندەڵیی و بە فێڕۆ دانی داهاتەکانی نەوتن .
عەلی ئەحمەد ساڵح وتیشی : سی ئەندامی پەرلەمانی کوردستان خوازیاری لێپرسینەوەی بارزانی تاڵەبانی و ئاشتی هەورامین بە مەبەستی ئاگادار بوونەوە لە چارەنووسی داراییەکانی هەرێم لە پێناو قەیرانی دارایی لە هەرێم و نەدانی مووچەی فەرمانبەرانی هەرێم بوونە .