بەڕێوەچوونی ڕێو ڕەسمی ساڵوەگەڕی کارەساتی بۆردومانی کیمیاوی هەڵەبجە لە ئێراق
ڕێو ڕەسمی ڕێزگرتنی لە سی یەمین ساڵوەگەڕی کارەساتی بۆردومانی کیمیاوی هەڵەبجە ئەمڕۆ هەینی بە بەشداری ژمارێکی زۆری کەسایەتی نێوخۆیی و دەرەوەیی و زەبروێکەوتووان و بنەماڵەی قووربانیانی ئەو کارەساتە لە شاری هەڵەبجەدا بەڕێوەچوو.
بە گوێرەی راپۆرتی ئیرنا؛ "مەهدی عەلاق" دەبیری لیژنەی دەولەت و نوێنەری " حەیدەر عەبادی" سەرۆک وەزیرانی عێراق لە دەستپێکیی ئەم رێو ڕەسمە لە وتاردانێک دا ویڕای سەرەخۆشیکردن لە بنەماڵەی قووربانیان لە هەموو گرووپ و کەسایەتییەکان داوایکرد ئەم بیرەوەرییە وەکوو دەستپێکێک بۆ برایەتی، ئاوەدانی و بنیاتنانەوە لە عێراق دابزانن .
"مەهدی عەلاق" وتیشی: کەسانێک کە پێشتر لە سەر تەرمی قوربانیانی حەلەبجە هەڵپەرکێ یان دەکرد ئەمرۆ لە عێراق دا جێگەیەکیان نییە .
شاری حەلەبجە لە هەرێمی کوردستانی عێراق نزیک سنووری ئێران دایە لە ١٥ مارچی ١٩٨٨ ، کەوتە بەر بۆردومانی کیمیاوی سوپای رژیمی بەعسی عێراق کە نزیک بە پێنج هەزار کەس بە هۆیەوە گیانی خۆیان لە دەست دا و پتر لە ١٠ هەزار کەسیش بریندار بوون؛ ئاسەواری ئەم تراژدیاییە بە سەر خەڵکی حەلەبجە هێشتایش هەر بەر چاوە و لەمدواییە دوو کەس لە بریندارانی ئەم بۆردومانە گیانی خۆیان لە دەست داوە.
لە حالێکدا تەنیا دوو ڕۆژ لە ئازادی حەلەبجە لە درێژەی ئۆپەراسیۆنیی وەلفەجری ١٠ تێپەڕێبوو ، بۆمب هاوێژ و فڕۆکەکانی " سوپێر ئیتاندارد"ی فەرەنسەوی ڕژێمی بەعس لە عێراق بە فڕین لە ئاسمانی حەلەبجە، هەر کام ، چوار بۆمبای کیمیاویی ٥٠٠ کیلویی یان ڕژاندە سەر خەڵکی بێ پەنای کورد.
" ئوین هیندریکس" سەرۆکی تاقیگەی ژارناسی نەخۆشخانەی "گانفلاندێر" ـ بەلژیک وتی: لەم پەلامارە لە سێ جۆری گاز بریتی لە گازی خەردەل(ئیپریت) ، گازەکانی دژی دەمار و ئەعساب(تابۆن، سارین یا سومان) و گازی سیانۆژن کەڵکیان وەرگرتووە . سەرەڕای پەسەند کرانی ڕێککەوتننامەکانی قەدەخەی وەبەرهێنان و کەڵک وەرگرتن لە چەکی کوشتاری بەکۆمەڵ، بەڵام هێشتایش ژمارێک لە وڵاتان لە وان ئەمریکا و ڕژیمی زایۆنی پێبەندی ئەرکەکانی خۆیان بە گوێرەی کۆنوانسیۆنە نێو دەوڵەتییەکان نین.
