حوزه‌یران 10, 2018 11:40 Asia/Tehran
  • دەستپێکرانەوەی گەشتەکانی تاران - سلێمانی

بەڕێوەبەری فڕگەی نێودەوڵەتی سلێمانی ڕایگەیاند: دوای وەستانێکی شەش مانگە، گەشتەکانی تاران - سلێمانی لەلایەن کۆمپانیای فڕۆکەوانیی ماهانەوە لە کاتژمێر یازدەی ئەمڕو یەکشەممە دەستپێدەکرێتەوە.

بەپێی ڕاپورتی ئەلعالەم،  تاهیر عەبدوڵڵا ، بەڕێوەبەری فڕگەی  سێمانی لە کوردستانی ئێراق وتی : لە ماوەی یەک حەوتە دا دووفڕینی تاران - سلێمانی  ئەنجام دەبێ و ئەگەرداواکاری زۆر بێت، ژوماری گەشتەکان زۆرتر دەبێت.

عەبدوڵڵا وتیشی  : ئێستاکە تەنیا فڕینی موسافیرەتی دەستپێکراوە و گەشتی فڕۆکە بارییەکانمان نییە .

لە بیست و حەوتەمی ئاڤریل و دوای  تێپەڕینی حەوت مانگ فڕینەکانی نێوان  تاران و هەولێریش  دەست پێکرایەوە.

دوابەدوای بەڕێوە چوونی ڕیفراندۆمی هەرێمی کوردستانی ئێراق  کە لەلایەن دادگەی باڵای فیدراڵی ئەم وڵاتەوە  بەتاڵ کرایەوە،  حەیدەر عەبادی سەرۆک وەزیرانی ئەم وڵاتە فەرمانی بە داخرای هەموو فڕگەکان و بازگەکانی سنووریی کوردستانی کرد و وتی بەرپرسایەتییەکەی بسپێردرێتە دەوڵەتی ناوەندی بەغدا.

تورکیا و ئێران لەم  پێوەندییەدا سنووری زەوینی و ئاسمانی خۆیان بەسەر هەرێمی کوردستانی ئێراق داخست.

 

سەرپەیڤ