حوزه‌یران 21, 2018 17:21 Asia/Tehran
  • جەبار یاوەر: بێ دەنگیی بەغدا لەبەرامبەر دەستدرێژکاریی تورکیا بۆسەر ئێراق، نیشانەی ڕێککەوتنی نهێنیانەی ھەردووک لایە .

سەرکردەی ھێزی پێشمەرگەی هەرێمی کوردستانی ئێراق لەو باوەڕەدایە کە : گوایە بێ دەنگیی بەغدا لەبەرامبەر هەڵس و کەوتی سەربازییانەی تورکیا لە باکووری ئێراق ، نیشاندەری رێککەوتنی نهێنیی دوولایەنە لەم بارەیەوە.

سەرلەشکر جەبار یاوەر سەرکردەی ھێزی پێشمەرگەی هەرێمی کوردستانی ئێراق لە وتووێژ لەگەڵ کورد پرێس  بە ئاماژەدان بە ئۆپراسیۆنی زەوینیی  و ئاسمانیی سوپای تورکیا  لە سنوورەکانی هەرێم لە ساڵی 2007 بەولاوە  بەبیانووی  ئامادەبوونی هێزەکانی  پەکەکە لەم ناوچەگەلە و زیان گەیاندن بە  دانیشتوانی ئەم ناوچەگە، شیمانەی بوونی ڕێککەوتنێک لەنێوان  بەغدا و ئەنقەرە لە بارەی ئەنجام گرتنی ئەم ئۆپراسیۆنانە بەھێزتر دەکات.

یاوەر  وێڕای  پێداگری لەسەر ئەمەی کە  بەپێی دەستوور، بەرپرسایەتی دابین کردنی ئاسایشی  سنوورەکانی ئێراق لە ئەستۆی حکومەتی ناوەندییە، وتی :  بەداخەوە کاردانەوەکان و ڕاگەیاندنی  هەڵوێستی کاربەدەستان و دامەزراوەکانی دەسەڵاتدارەتی ئێراق  بەرامبەر بنپێکرانی سەروەریی ئەم وڵاتە لەلایەن  سوپای تورکیا دۆش داماوانەیەو تائێستا هیچ  چەشنە هەڵوێستێکی جیدی  و کاردانەوەی بەهێز لەلایەن بەغدا لەبەرامبەر ئەنقەرە بەرچاو ناکەوێت . 

ئەم کاربەدەستەی لەشکرییە باڵایەی  هەرێمی کوردستانی ئێراق وتیشی:  چەندین جار کاربەدەستانی لەشکری و سیاسیی  ئێراق و تورکیا لە بەغدا و ئەنقەرە لەم پەیوەندییەدا پێکەوە کۆبوونەوەتەوە و کەچی  کاربەدەستانی ئێراقی  ڕادەگەیەنن کە  هیچ ڕێککەوتنێک لەگەڵ لایەنی  تورک  بۆ هاتنی هێزەکانی بۆ ئێراق نەکراوە بەڵام  کاربەدەستانی تورکیا  پێداگریییان کردووە کە کاربەدەستانی بەغدا لە ڕەوتی  هەڵس و کەوتی سەربازیی تورکیا ئاگادارن.