ڕەزامەندی دەربڕینی عیبادی لە گەڵ درانی چەکی ئەمریکی بە هێزەکانی پێشمەرگە
جێنشینی سەرۆکی ئەرکانی گشتیی وەزارەتی پێشمەرگەی هەرێمی کوردستانی ئێراق ڕایگەیاند: سەرۆک وەزیرانی ئەو وڵاتە ڕەزامەندیی دەربڕیوە لە گەڵ درانی چەکی ئەمریکی بە هێزەکانی پێشمەرگەی هەرێمی کوردستان .
بە گوێرەی ڕاپۆڕتی کورد پرێس ، سەرتیپ قارەمان شێخ کەمال ڕایگەیاند: ئەمریکا بڕیاری تەیار کردنی لەشکەری 3 و 4 وەزارەتی پێشمەرگەی هەرێمی کوردستانی داوە و ئەو یارمەتیە سەربازیە بریتیە لە تڕوموبیلە سەربازیەکان و چەکگەلی پێویست ، بەڵام پێشتر حەیدەر عیبادی سەرۆک وەزیرانی ئێراق ڕازی نەبوو بە درانی ئەو چەکانە بە وەزارەتی پێشمەرگە . جێنشینی سەرۆکی ئەرکانی وەزارەتی پێشمەرگە وێڕای ئاماژە بەوەی کە درانی هەرجۆرە یارمەتییەکی بیانی بە هێزەکانی پێشمەرگە پێویستی بە ڕەزامەندیی بەغدایە وتیشی: عەبادی ڕەزامەندیی دەربڕیوە لە گە ڵ ڕادەس کرانی ئەو چەکانە بە هێزەکانی پێشمەرگە و تەیار کردنی دوو لەشکەر لە لایەن ئەمریکاوە . ئەمریکا پێشتریش دوو لەشکەری دیکەی هێزەکانی پێشمەرگەی تەیار کردبوو بە چەک و کەرەستەی ئەمریکایی و لە چوارچێوەی واژۆی پڕوتوکولی سەربازی لە گەڵ وەزارەتی پێشمەرگە ، مانگانە بەشێک لە مووچەی هێزەکانی پێشمەرگەی وەک یارمەتی ئەدا بە وەزارەتی پێشمەرگە .