وتەبێژی هەرێمی کوردستان : بوار بۆ چارەسەرکرانی ناکۆکیەکانی نێوان بەغدا - هەولێر ڕەخساوە
وتەبێژی دەوڵەتی هەرێمی کوردستان وتی : دەستپێکرانی هەناردەکردنی نەوتی کەرکووک، هەوڵێکی ئەرێنی و زۆر گرینگە کە بوار بۆ چارەسەرکردنی ناکۆکی نێوان بەغداو هەولێر خۆش دەکات.
بەپێی ڕاپۆرتی کورد پرێس، سەفین دزەیی لە وتووێژی تایبەت لەگەڵ هەواڵدەریی مەوازین نیووز وتیشی : ڕێککەوتنی دەوڵەتی فیدراڵ بە دەستپێکردنی هەناردەی نەوتی کەرکووک یەکەمین هەنگاوی بو دەستەبەرکردنی بواری چارەسەری ناکۆکی نێوان بەغدا هەولێر دێتە ئەژمار و هەوڵێکی باش لەلایەن دەوڵەتی عادل عەبدولمەهدییە کە بە قازانجی دەوڵەتانی فیدراڵ و هەرێمی کوردستان دەبێت کە لە داهاتوو دەبێتە ڕێککەوتن لەنێوان دوو لایەن لەسەر نەوت و گاز و سەرمایەدانان و بازگەکانی سنوری.
دزەیی وەبیری هێنایەوە کە ئەم بڕیارە ، بڕیار بوو زۆربەرلەمە بگیردرێت بەڵام گرفتی سیاسی و هەڵوێستی گیراو لە لایەن دەوڵەتی پێشووی ئێراق ، پێشی بە جێ بەجێ کرانی گرتبوو.