زەریف لە هەولێر : پێوەندی ئابووریی ئێران و ناوچەی هەرێمی کوردستانی ئێراق ڕوو لە گەشەیە
وەزیری دەرەوەی ئێران پێوەندی ئابووریی ئێران و هەرێمی کوردستانی ئێراقی ڕوولەگەشە وەسف کرد .
محەممەد جەواد زەریف وەزیری دەرەوەی ئێران ڕوژی سێ شەممە لە چاوپێکەوتن لەگەڵ نێچیروان بارزانی سەرۆک وەزیرانی هەرێمی کوردستان لە هەولێر وتی : پێوەندی تاران و بەغدا و هەرێمی کوردستانی ئێراق، کۆن و بێ وێنە و کاریگەرە و لە بواری ئابووری و بازرگانی ڕوو لە گەشەیە.
نێچیروان بارزانی سەرۆک وەزیرانی هەرێمی کوردستانی ئێراقیش وتی : بردنەسر و پەرەی پێوەندی لەگەڵ تاران لە بواری جۆربەجۆر لەوان ئابووری و بازرگانی بەشێک لە سیاسەتەکانی هەرێمی کوردستانی ئێراقە.
بارزانی بە ئاماژەدان بە داکۆکی و پشتیوانی ئێران لە ناوچەی هەرێمی کوردستان لە کاتی پەلاماری تیرۆریستانی داعش بۆ ئەم ناوچەیە وتیشی : خەڵکی کوردستانی ئێراق هیچکات ئەم داکۆکیانە لە بیر ناکەن .
زەریف و بارزانی هەروەها لەسەر گرینگایەتی بووژاندنەوەی توکمەوتەواوی ئاشتی ،سەقام و ئاسایش لە ناوچە پێداگرییان کرد .
وەزیری دەرەوەی ئێران هەروەها لە هەرێمی کوردستان لەگەڵ مەسعوود بارزانی سەرۆکی پارتی دیمۆکراتی کوردستانی ئێراق دیدار و وتووێژی کرد .
وەزیری دەرەوەی ئێران کە سەردانی هەرێمی کردووە ئەمرۆ سێ شەممە لەگەڵ مەسرور بارزانی ڕاوێژکاری ئاسایشی هەرێمی کوردستانی ئێراقیش دیدار و وتووێژی کرد.
وەزیری دەرەوەی ئێران ڕۆژی یەکشەممە بە مەبەستی چاوپێکەوتن لەگەڵ کاربەدەستانی ئێراقی و ئامادەبوون لە سێ کۆبوونەوەی بازرگانی چالاکانی ئابووری کەرتی تایبەتی دوو وڵات لە بەغدا، سلێمانی و کەربەلا گەیشتە ئێراق .
زەریف لە دوو ڕۆژی ڕابردوو لەگەڵ بەرهەم ساڵح سەرۆک کۆمار، عادل عەبدولمەهدی سەروک وەزیران و محەممەد حەلبوسی سەرۆکیپەرلەمان، محەممەد عەلی حەکیم وەزیری دەرەوە، سەید عەمار حەکیم سەرۆکی ڕەوتی حیکمە، شێخ ئەکرەم کەعبی سکرتێری گشتی بزووتنەوەی نوجەبا و هادی عامری سەرۆکی فراکسیۆنی بەنا،ی ئێراق دیدار و لە کۆبوونەوەی مەزنی چالاکانی ئابووریی ئێران و ئێراق لە بەغدا وتووێژی کردووە.
