ته‌مووز 15, 2019 17:06 Asia/Tehran
  • واژۆی لێکگەیننامەی هاوکاری نێوان زانکۆکانی ئەمیرکەبیری ئێران و زاخۆی کوردستانی ئێراق

زانکۆی پیشەسازی ئەمیرکەبیری ئێران و زانکوی زاخۆی کوردستانی ئێراق بە ئامانجی پەرەی چالاکی زانستی و فێرکاری لێکگەیننامەی هاوکاریان لە تاران مۆر کرد .

 بە گوێرەی ڕاپۆڕتی ڕۆژی دووشەمەی  هەواڵدەریی  ڕادیو تەلەفیزیونی  ئێران  سەید ئەحمەد موعتەمدی  سەرۆکی زانکوی پیشە سازی ئەمیرکەبیری ئێران  لە ڕێ و ڕەسمی واژۆی ئەو ڕێککەوتننامەیە  ، وێڕای جەخت کردن لەسەر پەرەی پەیوەندی زانستی و فێرکاری لە گەڵ  زانکوکانی کوردستانی ئێراق  وتی : زانکۆی پیشە سازی  ئەمیر کەبیری  ئێران خولگەلێکی هاوبەش  لە گەڵ زانکو بە بایخەکانی ئوروپا و ئاسیا بەڕێوە دەبات  کە دەتوانڕێ بەشێک  لەو خولگەلە بە  زانکۆی زاخۆ تەرخان بدرێت . موعتەمدی  وتیشی  : بە پێی بەرنامەی ئیستراتژیکی زانکۆی پیشە سازی  ئەمیر کەبیری  ئێران  ئامانج  ئەوەیە  کە ئەو زانکویە لە کۆڕی سەد زانکوی سەرتری جیهان  دابنرێت .  لزگین عەبدی جەمیل  سەرۆکی زانکۆِ زاخۆی کوردستانی ئێراقیش  لەو  ڕێ و ڕەسمەدا  بە وتنی ئەوەی کە  زانکوەکانی  ئێران  و کوردستانی ئێراق  دەتوانن هاوکاری زانستی و فێرکاری زیاتریان پێکەوە بێت  وتیشی : دوژمنان هەوڵ ئەدەن  ئێران و کوردستانی ئێراق پەیوەندی باشیان   پێکەوە نەبێت . زانکوی پیشە سازی ئەمیرکەبیر  یان زانکوی پولی تەکنیکی  تاران  کە یەکێک  لە زانکوکانی  تەکنیکی  و پیشە سازی  لە ئێرانە  خاوەنی  16  زانکو  و 14 هەزار خوێندەوارە . زانکۆی  زاخۆی کوردستانی  ئێراق یش  لە ساڵی  2010  دامەزرا  کە خاوەنی  27 دپارتمان  7 کولیژ  و 7 هەزار و 500 خوێندەوارە .