نازم دەباغ : هەڵوێستی هەرێمی کوردستان لە حاند پرسی کوردەکان لە چوار چێوەی یاساکانی ئێراقە
نوێنەری هەرێمی کوردستانی ئێراق لە ئێران وتی : هەرێمی کوردستان ، دەوڵەتێک لە چوارچێوەی یاساکانی وڵاتی ئێراقە هەر بەو بۆنەوە ناتوانێ بە دەر لە سیاسەتی دەرەکی و سیاسەتی بەرگری کە دەڵوەتی ئێراق دایناوە کارێک بکات و د ەبێ پێبەند بە یاساکان بێت .
نازم دەباغ نێونەری هەرێمی کودستانی ئێراقیش لە ئ ێران لە وتووێژ لە گەڵ کورد پرێس وێڕای وڵامدانەوە بەو پرسیارە کە هێندێک کەس ، کاردانەوەی پەرلەمان و دەوڵەتی هەرێم سەبارەت بە پەلاماری تورکیا بۆ سەر باکووری سووریا بە تەواو نازانن وتیشی : دەوڵەتی هەرێم نوێنەری بەرژەوەندیەکانی ئەمڕۆ و داهاتووی گەلی کورد لە چوارچێوەی دەستووری ئێراقە بۆ یە ناتوانێ بە پێی هەستەوە بڕیار بدات بەڵکوو هەوڵ ئەدات بە ئیستراتژی باش پەیوەندیەکانی خۆی لە گەڵ وڵاتانی ناوچە بپارێزێت و بەرگری لە بەرژەوەندی کوردان بکات . ناوبراو وتیشی هەرێمی کوردستان جوگرافیای تەواوی نیە و هەر بەو بۆنەوە ناتوانێ لە چوارچێوەی یاسایی خۆی لە نێوان چوار وڵاتی ناوچە بڕواتە دەر بەڵام گەلی هەرێمی کوردستان بۆ نیشان دانی هەستەکانیان ئازادن. ناوبراو وتیشی : دەوڵەتی هەرێمی کوردستان دەوڵەتێک لە چوارچێوەی یاساکان و حکومەتی ناوخۆی ئێراقە هەر بەو بۆنەوە ناتوانێ بە دەر لە سیاسەتی دەروەیی و سیاسەتی بەرگری کە دەوڵەتی ئێراق دایناوە هەنگاو هەلبگرێت .