حوزه‌یران 02, 2020 19:32 Asia/Tehran
  • هەولێر، لە ٤ شوێن ئاگر کەوتەوە‌

چوار ڕووداوی ئاگرکەوتنەوە لە سنووری پارێزگای هەولێر ڕوویانداو لە ئەنجامدا دەیان دۆنم دەغڵودانی جوتیاران سوتا.

لە سنووی پارێزگای هەولێر چوار ڕووداوی ئاگرکەوتنەوە لەناو کێڵگەی جوتیاراندا ڕوویداوە.

سه‌رکه‌وت کاڕه‌ش وته‌بێژی به‌رگریی شارستانی هه‌ولێر به‌ ڕایگه‌یاندووە: دوای نیوه‌ڕۆی دوینی چوار ڕووداوی ئاگرکه‌وتنه‌وه‌ له‌ ده‌وربه‌ری شاری هه‌ولێر ڕوویاندا،  کە یەکێیکیان لە‌ ڕێگای موسڵ بووە و پوش و په‌لاش له‌ ناو به‌نزینخانه‌یه‌ک سوتاوە، دوو ڕووداویشیان لە شارەدێکانی کەڵەکچین و دیبه‌گه بووە، ڕووداوێکیش لە کەسنەزان بووە، سەرجەمیان لەلایەن تیمەکانی بەرگریی شارستانییەوە کۆنتڕۆڵ کراون.

ناوبراو ئاماژەی بەوەشکرد، کە ئاگرەکان زیانی گیانییان نەبووە، بەڵام زیانی ماددییان هەبووەو بەهۆیانەوە دەیان دۆنم دەغڵودانی جوتیاران سوتاوە.