بومەلەرزەی ٦ ڕیشتەری ئەندونیزیای هەژاند
کانونی دوھەم 19, 2020 09:15 Asia/Tehran
بومەلەرزەیەک بە تەوژمی ٦ پلەی ڕیشتەر شەوی ڕابروو پارێزگای "پاپوا" Papua لە ڕۆژهەڵاتی ئەندونیزیای هەژاند.
بە پێی ڕاپۆرتی ئیرنا؛ بومەلەرزەکە لە قووڵایی ٣٣.٦ کیلۆمەتریی زەوی ڕووی داوە.
هێشتا سەبارەت بە زەبر و زیانی شیمانەیی ئەو بومەلەرزەیە هیچ ڕاپۆرتێک بڵاو نەبۆتەوە.
ئەندونیزیا بە حەشیمەتێکی زیاتر لە ٢٦٠ ملوێن کەسی لە سەر پشتێنی ناسراو بە "بازنەی ئاگر" هەڵکەوتووە کە بومەلەرزەی زۆر و بەهێزی تێدا ڕوو دەدات.
پشتێنی ناسراو بە "بازنەی ئاگر" ، نیوزیلەند تا باشووری ڕۆژهەڵاتی ئاسیا، ژاپۆن و قەراخ ئاوەکانی ڕۆژاوای ئەمریکای باکوور و باشووری بەژی ئەمریکا دەگرێتەوە.