بیسترانی زرمەی تەقینەوە لە «ڕیاز»ی عەرەبستان
کانونی دوھەم 27, 2021 11:30 Asia/Tehran
بڕێک لە سەرچاوەکانی سەعودی باسی بیسترانی زرمەی تەقینەوەیەکی گەورەیان کردووە لە «ڕیاز»ی پێتەختی عەرەبستان.
بە پێی ڕاپۆرتی ھەواڵدەریی خوێندکارانی ئێران«ئیسنا» بە گێڕانەوە لە سپۆتنیک، جەماوەرو ھەڵسوڕاوانی تۆڕە کۆمەڵایەتییەکان لە عەرەبستانی سەعودی ڕۆژی سێ شەممە گرتەیەکیان بڵاو کردەوە کە تیای دا زرمەی تەقینەوەیەکی گەورە لە «ڕیاز»دا دەبیسترێت.
سپۆتنیک ھێشتا لە بارەی ڕاست و دروست بوونی ئەم ھەواڵە دڵنیایی دەرنەبڕیوە.
بە قسەی ھەڵسوڕاوانی سەعودی ئەم گرتەیە ساتی پێ و شوێنگرتنی موشەکێک بە ئاسمانی «ڕیاز»ەوە پیشان دەدات.
ھێشتا دەنگ و باسێکی زیاتر لەم بارەیەوە بڵاو نەبووەتەوە.
