نەجیب میقاتی : سەردەمی چەوساندنەوەی فەلەستین بە سەرچووە
سەرۆک وەزیرانی کاربەڕێکەری لوبنان لە حەفتاو حەوتەمین لوتکەی کۆگەی گشتیی ڕێکخراوەی نەتەوەکان وتی: کاتی ئەوە هاتووە کە چەوساندنەوەی گەلی فەلەستین کۆتایی پێ بهێنرێت.
بەپێی ڕاپۆرتی کەناڵی تەلەفزیۆنی ئەلجەزیرە موباشیر، «نەجیب میقاتی» سەرۆک وەزیرانی لوبنان وێڕای ئاماژە کردن بە پرسی فەلەستین ، ڕایگەیاند: کاتی ئەوە هاتووە کۆتایی بە ستەم و چەوساندنەوەی فەلەستینییەکان بهێنرێت و دەوڵەتێکی سەربەخۆی فەلەستین دابمەزرێت.
«میقاتی» هەروەها لەم کۆڕبەندەدا جەختی لەسەر مافی ڕەهای لوبنان بۆ سەروەری بەسەر ئاوە ناوچەییەکان و سامانە دەریاییەکاندا کردەوە.
لە بەشێکی دیکەی قسەکانیدا سەرۆک وەزیرانی کاربەڕێکەری لوبنان باسی لە پرسی پەنابەرانی سووریا کرد و ڕاشیگەیاند، قەیرانی پەنابەرانی سووریا لە دەرەوەی دەسەڵاتی حکومەتی لوبنانە و تاکە چارەسەر بۆ ئەم قەیرانە گەڕانەوەی ئاوارەکانە بۆ وڵاتی خۆیان.
