دەنگدانەوەی دروشمی "نەمان بۆ ئیسرائیل" لە کاتی نوێژی هەینیی خەڵکی بەحرەین دا
ئادار 17, 2023 20:02 Asia/Tehran
خەڵکی بەحرەین ئەمڕۆ لە میانی نوێژی هەینی لە شاری مەنامەی پایتەختی ئەم وڵاتەدا دروشمی نەمان بۆ ئیسرائیلیان ھەڵدا.
بەگوێرەی ڕاپۆرتی ئەلعەھد، خەڵکی بەحرەین لە مزگەوتی ئیمامی سادق (ع) لە ناوچەی "ئەلدراز"ی مەنامە دروشمیان دژ بە زایۆنیستەکان بەرز کردەوە.
بەحرەینییەکان بە وتنەوەی دروشمی "نەمان بۆ ئیسرائیل" درێژەیان بە جموجۆڵەکانیان دژ بە ڕژێمی زایۆنی دا و هەر جۆرە پەیوەندییەکیان لەگەڵ داگیرکەران شەرمەزار کرد.
جێگای ئاماژەیە کە ھەنگاوەکانی حکومەتی بەحرەین بەرەو ئاسایی کردنەوەی پەیوەندییەکانی لەگەڵ ڕژێمی زایۆنی ڕووبەڕووی دژایەتییەکی توندی گشتی بووەتەوە و ئەمەش بووەتە هۆی ئەوەی کە بەحرەین لە ڕیزی وڵاتانی نائارام بێتە ئەژمار بۆ زایۆنییەکان.
