ئەمینداری گشتیی کۆمکاری عەرەب ڕایگەیاند کە پێویستە خشتەیەکی زەمەنیی تایبەت دابنرێت بۆ کۆتایی هێنان بە داگیرکاری و پێکهاتنی وڵاتی فەلەستین.

نەبیل فەهمی ئەمینداری گشتی کۆمکاری عەرەب بە پێداگری لەسەر ئەوەی کە هەل و دەرفەتەکانی ئاشتی تادێت کەمتر دەبێتەوە، خوازیاری دانرانی خشتەیەکی زەمەنی تایبەت بوو بۆ کۆتاییهێنان بە داگیرکاری ڕژێمی زایۆنی و پێکهاتنی وڵاتی فەلەستین بە پێتەختیی بەیتولموقەددەس بەپێی بڕیارنامە نێودەوڵەتییەکان. نەبیل فەهمی لە وتاردانەکەی خۆیدا لە کۆڕی گشتی ڕێکخراوی نەتەوە یەکگرتووەکان ڕاشیگەیاند کە گەلی فەلەستین داوای ڕێکارێکی تایبەت یان ئیمتیاز و سەرێتی پێدانێکی بەپێچەوانە و دژ بە چوارچێوی یاسا و ڕێسا نێودەوڵەتییەکان ناکات، بەڵکوو ئەم گەلە بەپێی واقیع و ڕاستییەکانی مەیدان و لە چوارچێوی مافە ڕەسەنەکانی خۆیدا خوازیاری پێکهاتنی وڵاتێکە بە پێتەختی بەیتولموقەددەس، کە ئەمەش بەپێی بڕیارنامە نێودەوڵەتییەکان و سەرچاوە جیهانییەکان ڕێککەوتنی لەسەر کراوە.