دەستکەوتەکانی شۆڕشی ٢١ سێپتەمبەری یەمەن؛ لە شکاندنی زنجیرەی بەسراوەبوون تا بتەوکردنی سەروەری و سەربەخۆیی
کارناس و شرۆڤەکارێکی عەرەب، شۆڕشی ٢١ سێپتەمبەری ساڵی دوو هەزار و چواردەی یەمەنی بە یەکێک لە گرنگترین خاڵە وەرچەرخانە ستراتژییەکان لە مێژووی هاوچەرخی ئەم وڵاتەدا زانی.
"توفان جونەید" کارناس و شرۆڤەکاری عەرەب لە وتارێکدا باسی دەستکەوتەکانی شۆڕشی ٢١ سێپتەمبەری یەمەنی کرد و نووسی ئەم شۆڕشە کە واوەترە لە ڕابوونێکی جەماوەری سادە یا بزووتنەوەیەکی کاتی، لە ڕوانگەی لایەنگرانیدا هێمای لە دایکبوونی ویست و ورەی گەلێک بوو کە دەیەویست شوناسی شارستانییەتی خۆی وەربگرێتەوە و کۆت و بەندەکانی بەسراوەبوونی سەرشۆڕانە بشکێنێت و هاوکێشەی پێشپێگرانەی ستراتیژیک دامەزرێنێ، هاوکێشەگەلێک کە بوونی یەمەنی ئازاد وەک هێزێکی بەتوانا لە گۆڕەپانی ناوچەیی و نێودەوڵەتی دەچەسپێنێ. شۆڕشی ٢١ سێپتەمبەری یەمەن بە ئامانجی بنەبڕکردنی ئەو سیستەمە ڕوو بە هەڵدێرەی ڕابردوو لە یەمەن و کۆتایی هێنانی یەکجاری بە سەردەمی بەکرێگیرایی و بەسراوەبوون هەنگاوگەلێکی بەبڕشتانە و چارەنووسسازی هەڵگرتووە.
