لە باتمان ھاوسەرۆکانی ھەدەپە لە نێو ماڵ دەستبەسەر کران
عومەر کولپلو و قاتمە ئابلای، هاوسەرۆکەکانی پارتی دیمۆکراتی گەلان (هەدەپە) بە فەرمانی دادوەر و بە دانانی بارمتە و مەرجی نەچوونە دەرەوە لە تورکیا و دەست بەسەر کران لە ماڵدا، ئازاد کران.
بە پێی ڕاپۆرتی ئاژانسی هەواڵی مێهر، عومەر کولپلو و قاتمە ئابلای، هاوسەرۆکەکانی پارتی دیمۆکراتی گەلان (هەدەپە) کە دوو ڕۆژ پێش لەلایەن پۆلیسەوە لە باڵەخانەی پارتی هەدەپە لە باتمان دەستگیر و زیندانی کرابوون، بە فەرمانی دادوەر و بە دانانی بارمتە و مەرجی نەچوونە دەرەوە لە تورکیا و زیندانی بوون لە ماڵەوە، ئازاد کران.
هاوکات لەگەڵ گواستنەوەی کۆلپلو و ئابلای بۆ دادگای باتمان ئەندامانی پارتی هەدەپە لەو پارێزگایە و لایەنگرانی پارتەکە لە بەرانبەر باڵەخانەی ئەو پارتە کۆ بوونەوە و داوای ئازاد کردنی هاوسەرۆکانی پارتەکەیانیان کرد.
کۆلپلو و ئابلای پاش ئازاد بوونیان بە هاوڕێیی ئەندامانی پارتەکە و خەڵک گەڕانەوە بۆ ماڵەکانیان.