وشک بوونی پاشەکەوتی ئاوی ئوروپا
زانستوەرانی زانکۆی کالجی لەندەن ڕایگەیاند بەشگەلێکی گەورە لە باشووری ئوروپا خەریکی لەدەسدانی پاشەکەوتی ئاوی خۆیانن و خەریکن وشک دەبن .
ڕۆژنامەی گاردیەن نووسیویەتی: توێژینەوەیەکی نوێ بە کەڵک وەرگرتن لە زانیارییەکانی مانگی دەستکردی دوو دەیەی ڕابردوو دەریدەخات کە بەشێکی بەرفراوانی پاشەکەوتی ئاویی ئەوروپا خەریکە وشک دەبێتەوە، پاشەکەوتی ئاوی شیرین لە سەرانسەری ئوروپای باشوور و ناوەندیی، لە ئیسپانیا و ئیتاڵیا بگرە هەتا پۆڵەندا و بەشێک لە ئینگلیز کەم بووەتەوە . بە وتەی توێژەرانی زانکۆی کۆلێژی لەندەن، داتاکانی ساڵانی ٢٠٠٢ تا ٢٠٠٤ زایینی مانگە دەستکردەکانی کە گۆڕانکارییەکانی زەوی پێ و شوێن دەگرن دەریدەخەن کە بەشگەلێکی بەرفراوانی باشوور و باشووری ڕۆژهەڵات، لەوانەش بەشێکگەلێک لە ئینگلیز ئیسپانیا، ئیتاڵیا، فەرەنسا، سویسرا، ئەڵمانیا، ڕۆمانیا و ئۆکرانیا، خەریکە وشک دەبنەوە. ئەم دۆخە دەبێ بۆ سیاسەتمەدارانی ئەوروپی " زەنگێکی بەئاگابوونەوە" بێت. هۆشدارییەکان سەبارەت بە وشکەساڵی بەربڵاو لە ئەوروپا لە کاتێک بڵاو دەبنەوە کە لە ساڵانی ڕابردوودا زۆرێک لە وڵاتانی ناوچەکەمان ڕووبەڕووی کەمی ئاو و وشکەساڵی بوونەتەوە. پرۆفیسۆر هانا کلۆک، مامۆستای هیدرۆلۆجی لە زانکۆی ڕیدینگ دەڵێت: " بینینی ئەم پڕۆسە درێژ خایەنە جێگای دڵگرانیە ، چونکە لەم دواییانەدا چەند وشکەساڵییەکی بەڕاستی گەورەمان هەبووە و بەردەوام دەبیستین کە ڕەنگە لەم زستانەدا کەمتر لە ئاستی ئاسایی باران ببارێت و لە ئێستاوە لە وشکەساڵیداین".
