بەرپاکرانی نوێژی ھەینی لە ئەیا سوفیە دوای ٨٦ ساڵ
ڕێ و ڕەسمی یەکەم نوێژی ھەینی لە ئەیاسوفیە دوابەدوای گۆڕدرانی مۆڵەتی شێوازی بەکارھێنانەکەی لە مۆزەخانەوە بۆ مزگەوت، بە ئامادە بوونی «ڕەجەب تەیب ئەردوغان»ی سەرۆک کۆماری تورکیا و کۆمەڵێک لە کاربەدەستانی ئەم وڵاتە بەڕێوە چوو.
بە پێی ڕاپۆرتی ئیرنا، ئەم ڕێ و ڕەسمە کە کۆمەڵێکی زۆز لە خەڵکی تورکیا بە ڕەچاوکردنی مەوداو لێک دابڕان لە مزگەوتەکەو گردوپەڕی بەشدارییان تیادا کردبوو، بە شێوەی ڕاستەوخۆ لە کەناڵەکانی تورکیاش بڵاو بووەوە. ڕێ و ڕەسمەکە بە قورئان خوێندنی کۆمەڵێک لە قورئان خوێنەکانی تورکیا دەستی پێ کرا.
سەرۆک کۆماری تورکیا ھەر بەم بۆنەیەوە پەیامێکی توییتێری بە ناوی « ڕۆژی ھەینیتان باش» بڵاو کردەوە.
پێشتر ڕەجەب تەیب ئەردوغان دوابەدوای دەرکردنی فەرمانێک ڕایگەیاند کە، ئەیاسوفیە دەکرێتە مزگەوت و ٢٤ی ژولای واتە ڕۆژی ھەینیی سێھەمی گەلاوێژ بۆ یەکەم جار دوای ٨٦ ساڵ فەرزی نوێژی ھەینیی تیادا جێبەجێ دەکرێت.
