یەکێ لە بەرپرسانی پایە بەرزی هەولێر جەختیکرد کە نابێ گرووپگەلێک کە هەرەشە لە ئاسایش و پاوەجێیی وڵاتانی دڕاوسێی هەرێمی کوردستان دەکەن ، ئیزنی مانەوە لە هەرێمیان هەبێت .

 بە گوێرەی  ڕاپۆرتی کورد پرێس ، بە گێرانەوە  لە ماڵپەری دەنگ وباسی خەندان ، فەلاح مۆستەفا بەرپرسی پێوەندی دەرەوەیی حکوومەتی هەرێمی کوردستانی ئێراق  ، نەدانی ئیزن بۆ ئامادە بوونیی ئەو هێزانە کە هەرەشە لە ئاسایشی وڵاتانی دڕاوسێی هەرێم دەکەن ، وەک ئەرک وپێبەندیی نێو دەوڵەتی هەولێر  زانیوە .

 مۆستەفا  ئەم قسە گەلەی  لە کۆری هەواڵنێران لە پەراوێزی دیداری سلێمانی هیناوەتە ئاراوە . فەلاح مۆستەفا  هیوای خواست کە هێزەکانی پەکەکە لە شەنگاڵ برۆنە دەر . بەر پرسی پیوەندی دەرەوەیی حکوومەتی هەرێمی کوردستان جەختیکرد لە سەر پیویستی  ڕێزگرتنی هەموو پارت و هێزەکان  لە ناوەندەکانی دەستەلاتدارەتیی هەرێمی کوردستان و وتی کە پارت و گرووپە کان نابێ  بۆ هەرێمی کوردستان گیرو گرفت بەدی بێنن .