بەرپرسی دۆسیەی کورد لە هاوپەیمانی نەتەوەیی ئێراق، وێڕای پێداگری لەسەر ئەمەی کە خۆپیشاندان لە هەرێمی کوردستانی ئەم وڵاتە دەبێ بەشێوەی ئاشتیانە بەڕێوە بچێت، وتی : خەڵک چارەنووسی حکومەتی خۆجێیی لە هەرێمی کوردستان دیاری دەکەن .

بەپێی ڕاپۆرتی ڕۆژی شەممەی  کورد پرێس، عەبدوڵڵا زەیدی  لە وتووێژ لەگەڵ   کەناڵی تەلەفزیۆنیی  هونا بەغداد، بەڕاگەیاندنی ئەمەی  کە  بەڕێوەچوونی خۆپیشاندان لە هەرێمی کوردستانی ئێراق، ڕەوشی ئەم ناوچەیە ئاڵۆزتر  دەکات، وتیشی:   ئێستا زیاتر لە هەر شتێک ، پێویستی بە ڕێگەچارەیەکی ڕاستەقینە بۆ قەیرانی بەغدا - هەولێر بەپێی دەستووری ئێراق هەیە.

 بەرپرسی  دۆسیەی کورد لە هاوپەیمانی نەتەوەیی ئێراق، وێڕای بانگێشتنی گەلی کوردستانی ئێراق بۆ دان بە خۆداگرتن و خۆپیشاندانی ئاشتیانە  بەمەبەستی هاتنەدی  داواکارییەکانیان ، وتیشی :  دەوڵەتی ناوەندیی ئێراق دەبێ  بەرژەوەندیی شارومەندانی کورد  بپارێزێ .

زۆربەی شارەکانی هەرێمی کوردستانی ئێراق لە دووشەممە هەژدەی دیسەمبەر  گۆڕەپانی خۆپیشاندانی بەربڵاوی  جەماوەر بۆ ناڕەزایەتی دەربڕین بەرامبەر  دۆسیەکانی گەندەڵی و نەدرانی مزومووچەی فەرمانبەران و ڕەوشی  ناشیاوی ئابووری و ژیانی شارومەندانی ئەم ناوچەیە  .

ناڕازیان  وێڕای پێداگری کردن لەسەر پێویستی چارەسەرکرانی خێرای  قەیرانی  هەرێمی کوردستانی ئێراق ڕایانگەیاند:ئەم قەیرانە دوای بێ ئەنجام بوونی هەوڵی ناڕازیان بۆ خستنە ڕووی  ڕەنج و کوێرەوەرییەکانیان، بەشێوەی جۆربەجۆر و بە دوور لە توندوتیژی پێکهاتووە.