چاوپێکەوتنی نێچیروان بارزانی لەگەڵ باڵوێزی ئێران لە ئێراق
سەرۆک وەزیرانی هەرێمی کوردستان دوای گەیشتنی باڵوێزی کۆماری ئیسلامیی ئێران لە بەغدا بۆ هەولێر، لەگەڵ بەڕێزی دیدار و سەبارەت بە پێوەندییەکانی دوو لایەنە، وتووێژی کرد .
ئیرەج مەسجدی باڵوێزی ئێران لە بەغدا شەوی چوارشەممە بەمەبەستی بەشداریکردن لە کۆبوونەوەی گەشەی پێوەندیی بارزرگانی و ئابووریی کۆماری ئیسلامیی ئێران و هەرێمی کوردستان گەیشتە هەولێر .
نێچیروان بارزانی سەرۆک وەزیرانی هەرێمی کوردستانی ئێراق لە ئیرەج مەسجدی لە کاتی گەیشتنی بە هەولێر پێشوازی کردو لەگەڵی دا وتووێژی کرد .
نووسینگەی سەرۆک وەزیرانی هەرێمی کوردستانی عێراق ڕایگەیاندووە: لەم چاوپێکەوتنەدا سەبارەت بە پەرەی پێوەندیی هەمەلایەنە، پێوەندی تاران و هەولێر لە بواری ئابووری و فەرهەنگی وتووێژ کرا.
پێداگری لەسەر ئامادەبوونی کۆمپانیاکانی ئێرانی و وتووێژ کردن لەسەر پەرەی هاوکاریی بازرگانی و سەرمایە دانان و لابردنی لەمپەری گومرگی بۆ گەشەپێدانی بەرهەم هێنان لەڕێگەی بەهێزکردنی ئامادەبوون لە بەشە گرینگەکانی هەرێمی کوردستانی ئێراق لە تەوەرەکانی دیکەی چاوپێکەوتنی بارزانی و مەسجێدی لەشاری هەولێر دەبێت.
کۆبوونەوەی پەرەی پێوەندی بازرگانی و ئابووریی کۆماری ئیسلامیی ئێران و هەرێمی کوردستانی ئێراق ڕۆژانی چوارشەمە و پێنج شەممە لەشاری هەولێر بەڕێوە دەچێت.
ئەم کۆبوونەوەیە بە ئامادەبوونی سەرۆک وەزیرانی هەرێمی کوردستان ، وەزیرانی پیشەسازی و کانگای کۆماری ئیسلامیی ئێران و ئێراق و باڵوێزی ئێران لە بەغدا بەڕێوە دەچێت.
