وەزیری رۆشنبیری حکومەتی هەرێمی کوردستانی عێراق رۆژی شەممە جەختی کردەوە لەسەر پەرەی پێوەندیی لە گەڵ کۆماری ئیسلامیی ئێران لە هەموو بوارەکاندا بە تایبەت لە بواری فەرهەنگیی دا .

بەپێی راپوڕتی ئیرنا ، خالید دۆسکی پێوەندی نێوان هەرێمی کوردستان و ئێرانی بە باش وەسف کرد و گوتی : بەڕێوەچوونی حەوتە فەرهەنگیە هاوبەشەکان لە گەڵ ئێران درێژە پێ ئەدەین .

وەزیری رۆشنبیری حکومەتی هەرێمی کوردستانی عێراق ئاماژەی کردە سەردانی کاروانی رۆشنبیریی پارێزگەی کوردستانی ئێران بۆ هەولێر و گوتی : هەمیشە لە گەڵ کۆماری ئیسلامیی ئێران چالاکی هاوبەشی فەرهەنگیمان هەیە .

کاروانی فەرهەنگیی ئێران پێکهاتوو لە هونەرمەندانی پارێزگەی کوردستان رۆژی پێنجشەممە بە مەبەستی بەڕێوەبردنی بەرنامەی فەرهەنگیی و هونەریی گەیشتە هەرێمی کوردستان .

کاروانی فەرهەنگیی پارێزگەی کوردستانی ئێران  کە لە بیست هونەرمەند پێکهاتووە و شانۆی تەنز ، موسیقای نەریتی و چاوبەستیی لە چەندین شاری هەرێم بەڕێوە دەبات .

پێشانگایەکی وێنە لە شوێنە گەشتیاری و سەرنج ڕاکێشەکانی پارێزگەی کوردستانیش لە پەراوێزی بەرنامەکاندا دادەنرێ .