دەبیری گشتیی وەزارەتی پێشمەرگەی هەرێمی کوردستان وێڕای ئاماژە بە سنوورەکانی 700 کیلومەتری هەرێم لە گەڵ تورکیا وتی کخ ئەرتەش تورکیا تا ئێستا 398 جار ناوچە جۆراوجۆرەکانی هەرێمی داوەتە بەر پەلاماری ئاسمانی و بوردمانی توند .

بە گوێرەی ڕاپۆڕتی کورد پرێس ؛سەرلەشکەر جەبار یاوەر  لە وتووێژ لە گەڵ  ڕادیو  دەنگی  ئەمریکا   وتی  : هەرێمی کوردستان  خاوەنی 700 کیلومەتر سنووری هاوبەشە لە گەڵ تورکیا  و ئەرتەشی تورکیا تائێستا 398 جارناوچە جۆراوجۆرەکانی هەرێمی کوردستانیان  داوەتە بەر پەلاماری  ئاسمانی  و بوردمانی توند  و خەسارێکی زۆر و قەرەبوو نەکراوی  داوەتە گوندەکان و ناوچە ئاوادانەکان . سکرتێری گشتیی وەزارەتی پێشمەرگەی هەرێمی کوردستان  وتیشی  کە ئەو پەلامارانە دەبێتە هۆی لەناوچوونی  ژێرخانەکانی  ناوچە سنووریەکانی هەرێمی کوردستان  بۆ وێنە   کاول بوونی   پردەکان  نەخوشخانەکان قۆتابخانەکان و ڕێگاکانی پەیوەندیی  و چوڵکرانی گوندەکان و ژومارێک لە شاروومەندانی سیڤیلیش  لەو پەلامارانەدا گیانی خِۆانیان لە دەس دا  و یان بریندار بوونە .   جەبار یاوەر  ڕایگەیاند  کە ئەرتەشی تورکیا  لە 4 ساڵی  ڕابردوودا  425  پەلاماری تۆپخانەیی  بە دژی  ئەو ناوچانە  ئەنجام داوە  و هەموو  ناوچەکانی هەرێم  لە پەلامارەکانی تورکیا تووشی خەسار و زیان بوونە لە  دوایین  پەلامار 4  شاروومەندی بێ دەرتان  لە پارێزگای دهۆک  گیانی خۆیان لە دەس داوە .