کۆبوونەوەکەی بەغدا کە لە نێوان وەزارەتی نەوتی عێراق ، وەزارەتی سامانە سروشتییەکانی هەرێم و گروپی کۆمپانیاکانی بەرهەمهێنانی نەوت لە هەرێمی کوردستان بۆ گەیشتن بە ڕێککەوتن بەڕێوەچوو، بەبێ ئەنجام کۆتایی هات.

کۆبوونەوەی سێ قۆڵی وەزارەتی سامانە سرووشتییەکان‌، کۆمپانیاکانی بەرهەمهێنانی نەوت لە هەرێمی کوردستان و وەزارەتی نەوتی عێراق لە بەغدا کۆتاییهات، بە بێ رێککەوتن لەبارەی هەناردەکردنەوەی نەوتی هەرێم. مایڵز کاگینز، وتەبێژی ئەپیکور رایگەیاندووە: "دەبێت بنەمایەکی شەفافییەت و دادپەروەری هەبێت و ئەو کۆمپانیایانەی نەوت کە لە هەرێمی کوردستاندا کاردەکەن، هەمان مامەڵەیان لەگەڵدا بکرێت وەک ئەو کۆمپانیایانەی لە عێراق کار دەکەن، چونکە لە عێراق ئەو کۆمپانیایانە دەزانن کەی و چۆن پارەی نەوت وەردەگرن."