چالاکان و ڕێکخراوەکانی جەماوەریی شاری هەولێر، بە بەڕێوەبردنی کۆبوونەوەیەک وێڕای ئیدانەکردنی هەوڵی دەوڵەتی تورکیا لەمەڕ گرتنی ڕێبەران و نوێنەرانی یاسایی کوردەکان لەم وڵاتە، داوای ئازادی ئەوانیان کرد .

بەپێی ڕاپۆرتی کورد پرێس  بە گیڕانەوە لە ماڵپەڕی سبەی، لە کۆبوونەوەیەک دا کە لە لایەن چالاکانی سیاسی و مەدەنی و ڕێکخراوەکانی جەماوەریی شاری هەولێری  هەرێمی کوردستان بەڕێوە چوو  هەوڵی دەوڵەتی تورکیا واتە گرتن و لە بەند کردنی سەلاحەدین دەمیرتاش و فیگن یوکسکداغی سەروکانی هاوبەشی هەدەپە و نوێنەرانی دیکە، شارەداران و سیاسەتڤانانی کورد، بە توندی ئیدانە کرا.

بەشداران لەم کۆبوونەوە یە بە خوێندنەوەی بەیاننامەیەک  گیرانی ڕێبەران و نوێنەرانی سیاسی کوردەکان لە تورکیا کە بە دەنگی یاسایی خەڵک هاتوونەتەسەرکار، بە هەوڵێک بەدژی بنەمای دیمۆکراسی و مافی مرۆڤ زانیوە و پێداگرییان کرد  ئەزموونی ساڵانی ڕابردوو  سەلماندوویەتی  پرسی کوردەکان  هیچکات لە ڕێگەی توندوتیژی و سەرکوت کردن  چارەسەر نەکراوە و تەنیا ڕێگە بۆ چارەسەرکردنی  وتووێژ و ڕێگەکانی ئاشتیانەیە .

ئەم بەیاننامەیە هەروەها داوای لە ڕێکخراوی  نەتەوەکان، ڕێکخراوەکانی جیهانی و پارتەکانی سیاسی هەرێم دەکات هەوڵەکانیان بۆ ئازاد کردنی هەرچی خێراتری  ڕێبەرانی کورد لە تورکیا و دەستپێکردنەوەی  وتووێژی ئاشتی نێوان دەوڵەت و کوردەکان بدات .

هەرلەم حاڵەدا لە شارەکانی دیکەی هەرێمی کوردستانیش لەوان ئاکری

خەڵک بە بەڕێوەبردنی کۆبوونەوەی ناڕازیانە  ، ناڕەزایەتیان دەربڕی بەرامبەر گیرانی  ڕێبەرانی هەدەپە و سیاسەتڤانانی کوردی تورکیا و داوای ازادی ئەوان و کۆتایی دان بە سیاسەتی پارتی داد و گەشەپێدان لەم وڵاتەیان کرد  کە سەرکوتکارانەیان  وەسف کرد.