ژمارێ لە نوێنەرانی کوردی پارلەمانی عێراق رایانگەیاند کە لە بەشی زانیاریەکانی هاوپەیوەند بە داهاتە نەوتیەکانی هەولێر متمانەیان بە هەرێمی کوردستان نیە .

بە پێی راپۆرتی کورد پرێس ، پارلەمانتارانی کوردی پارلەمانی عێارق و دەوڵەتی هەرێمی کوردستان بە مەبەستی لێکدانەوە و وتووێژ سەبارەت بە بودجەی 2017 ی عێراق کۆبوونەوەیەکی هاوبەشیان بەڕێوەبرد و هەندێ لە نوێنەران باسیان لە نەبوونی متمانە بە هەولێر سەبارەت بە رادەست کردنی زانیاریی و ئامارەکانئ هاوپەیوەند بە داهاتە نەوتییەکان کرد .

پاش کۆبوونەوەی هاوبەشی نوێنەران و سەرۆکانی فراکسیۆنە کوردەکانی پارلەمانی عێراق لەگەڵ دەوڵەتی هەرێمی کوردستان لە هەولێر ، ژمارێ لەو نوێنەرانە رایانگەیاند کە لەو کۆبوونەوەیەدا خوازیاری روون بوونی زیاتری دۆسیەی هەناردەی نەوتی هەرێـم و داهاتە نەوتییەکانی بوون.

بە وتەی ئەو نوێنەرانە کە سەر بە فراکسیۆنی بزوتنەوەی گۆڕان ، یەکێتیی نیشتمانیی و کۆمەڵی ئیسلامیی کوردستانی عێراق و لە لایەنە رازییەکانی بودجەی 2017 ی عێراقن ، ئەوان لەو کۆبوونەوەیەدا هەموو وردیاتی هاوپەیوەند بە یاسای بودجەی 2017 و بەشی هەرێم لەو بودجەیەیەیان شیی کردەوە و لە بەرامبەریشدا ، دەوڵەت زانیاریی و ئامارگەلی هاوپەیوەند بە فرۆشتنی نەوت بۆیان شیی دەکاتەوە.

عەبدولسەتار مەجید ، وەزیری کشت و کاڵی هەرێمی کوردستانی عێراق ، سەر بە کۆمەڵی ئیسلاممیی کە لەو کۆبوونەویەدا ئامادە بووە لەو بارەیەوە رایگەیاند : بڕیاری پێکهاتنی لیژنەیەکی تەکنیکیی لە نێوان دەوڵەتی هەرێم و نوێنەرەکانی دەر کراوە تا هاوئاهەنگییەکی زیاتریان هەبێ.