فەرمانداری شاری شەنگاڵ لە پارێزگای نەینەوای ئێراق ڕایگەیاند تێرۆریستانی داعش بە ڕفاندنی ئیزدیەکان بە نیازن لە مووسڵ لەوان وەک قەڵغانی مرۆیی کەڵک وەربگرن .

  بە گوێرەی  ڕاپۆڕتی  هەواڵدەریی  سەدا و سیما  " مەحما خەلیل "  فەرمانداری  شاری  شەنگال  لە ڕۆژئاوای  پارێزگای  نەینەوا   لە باکووری  ئێراق   وتی  تاقمی  تێرۆریستی  داعش  ، هەزار و دووسەد کەس  لە  ئیزدیەکانی  ڕفاندووە  و ئەوانی  بۆ ناوەندی  شاری  مووسڵ  راگواستووە.

شاری  شەنگال    ئووتی  2014 دوای  پاشەکشێی  هێزەکانی  پێشمەرگەی  کوردستانی  ئێراق لە لایەن  داعشەوە  داگیر کرا  و هەزاران  ئیزدی  ئێراقی  لە  شەنگال  بە  دەس   تاقمی  تێروریستی  داعش  ڕفێندران . شاری شەنگال  13  نوامبری  2015  لە  پەلاماری  هاوبەشی  هێزەکانی  پێشمەرگە  ، بەرگریکارانی  شەنگال  و لقی  سەربازی  پەکەکە  لە چنگی  داعشەوە  ڕزگار  کرا . 

هەواڵێکی  دیکە  ئەوەیە  کە  عەبدوڕەحمان  ئەلخەزعەلی  " وتەبێژی  مێدیایی  پولیسی  یەکێێتی  ئێراق  شەوی یەکشەمە  ڕایگەیاند  ،  هێزەکانی  پولیس  و لەشکەری نوهەمی  ئێراق  لە  درێژەی  پێشڕەویەکانیان   بەرەو  کەناری  دیجلە  و پردی  چوارەمی  موسڵ  توانیان  بنکەی  ناسراو  بە  موجاهدینی  چیچانی  پاکتاو بکەنەوە .