خۆپیشاندانەکانی ڕانیە گرژی تیکەوت و تەقە بەسەر خۆپیشاندەراندا کرا و 5 كەس كوژراو و 20 برینداری لێکەوتەوە.

پەیامنێری ماڵپەڕی  "سپی" لە ڕانیەوە ڕایگەیاند "لە پاش نیوەڕۆوە خۆپیشاندانەکەی ڕانیە گرژی و ئاڵۆزی زۆری تێکەوت و هێزە ئەمنیەکان تەقەیان  لەخۆپیشاندەران کرد

سەرچاوەكانی نەخۆشخانەیی دەڵێن لە رانیە 5 كەس  كوژراون . ".

ئاماژەی بۆ ئەوەشکرد کە "لە رانیە زیاترلە 20 بریندار هەیە کە چواریان بە گوللە بریندار بوون و برینى 3 لە بریندارەکان سەختە و یەکێک لە بریندارەکان بۆ چارەسەر ڕەوانەینەخۆشخانەی فریاکەوتنی سلێمانی کراوە".

هاوکات کۆمیتەی ڕانیەی یەکێتی  لەلایەن خۆپیشاندەرانەوە سوتێندرا.

خۆپیشاندانەکانی شاری کۆیە ش 17 برینداری لێکەوتەوە و بەگوێرەی زانیاریەکان دوو لە بریندرەکان بۆ چارەسەر گەیەندراونەتە شاری هەولێر.

هاوکات لە تەقتەق بارەگای زۆربەشی هێزە سیاسیەکان و فەرمانگە حکومیەکان سوتێندران.

له‌سه‌ر له‌به‌یانی ئه‌مڕۆوه‌ خۆپیشانده‌رانی ‌قه‌زای پێنجوێن خاڵی سنوریی باشماخیان به‌ڕووی هاتوچۆی ته‌نکه‌ره‌کانی سوته‌مه‌نیدا داخست‌ و ده‌ستیان به‌سه‌ر سه‌دان ته‌نکه‌ر سوته‌مه‌نیدا گرتووه‌.

خۆپیشاندانی ئەمڕۆش وەک رۆژانی رابردوو دروشمی خۆپیشاندان چاککردنی خزمەتگوزاریەکان و پێدانی مووچەی تەواوی مووچەخۆران و  دژایەتیکردنی گەندەڵی و لێپرسینەوە لە گەندەڵکاران، دروشمی رووخانی ئەم حکومەتەش یەکێکە لەداواکارییەکانی تری خۆپیشاندەران.