برت مەک گورک نوێنەری تایبەتی ئەمریکا لە هاوپەیمانی نێودەوڵەتی بەناودژە داعش لەدیدار لەگەڵ سەرۆکی حکومەتی هەرێمی کوردستانی ئێراق ، پەسنی دانوستانەکانی نێوان بەغداو هەولێری داو نێچیرڤان بارزانیش پێی داگرت لەسەر درێژەی ئەو ڕەوتە.

بەپێی راگەیێندراوی ئەنجومەنی وەزیرانی هەرێمی کوردستانی ئێراق، دواگۆڕانکارییەکانی ناوچە، ڕەوتی سیاسی لە ئێراق و هەوڵدان بۆ پێکهێنانی حکومەتی نوێی ئێراق، تەوەرە سەرەکییەکانی وتووێژی نێوان مەک گورک و بارزانی بووە.

نێچیرڤان بارزانی هیوای خواست، وتووێژەکان بۆ پێکهێنانی حکومەتی نوێی ئێراق بەرفراوانتر بکرێن وئامادەیی هەرێمی کوردستان بۆ وتووێژی جیددیتر لەەگڵ ئەو هاوپەیمانییانەی حکومەت پێکیان دێنێ، ڕابگەیێنێ.