پەرپرسی پێوەندیە دەرەوەییەکانی یەکیەتی نیشتمانیی کوردستان باسی رێککەوتنی دوو پارتی سەرەکیی هەرێم دەکات لە گەڵ لایەنە ئۆپۆزسیۆنەکان بۆ ناردنی شاندێکی هاوبەش بۆ بەغدا .

بە پێی راپورتی کوردپرێس ، تەحسین نامق لە وووێژ لە گەڵ ماڵپەڕی بەغدا ئەلیەوم دا گوتی : پارتی و یەکیەتی لە گەڵ لایەنە ناڕازیەکان ( گۆڕان ، یەکگرتووی ئیسلامی ، کۆمەڵی ئیسلامی و هاوپەمانیی بۆدیموکراسی و داوەری ) لەسەر پێکهێنانی شاندێکی هاوبەش بۆ ناردن بۆ بەغدا و  وتووێژ لە بارەی پێکهێنانی حکومەتی نوێی عێراق رێک کەوتوون .

نامیق بە ئاماژە بەوەی کە شاندە کوردیەکە دوای رۆژانی پشووی جەژنی قوربان بۆ وتووێژ لە بارەی پێکهێنانی گەورەترین فراکسیۆنی پەرلەمانیی سەردانی بەغدا دەکات ، وتیشی : کورد ئێستا بۆ یەکڕیزی و رێککەوتن لەسەر پرسە هاوبەشکان بەلەبەرچاوگرتنی بەرژەەندیە باڵاکانی گەلی کوردستان بەر لە چوون بۆ بەغدا هەوڵ ئەدەن .

ناوبراو بە ئاماژە بەوەی کە ئێمە چوار لایەنەکە دەبینین و بۆ پێکهێنانی شاندێکی هاوبەش کە وەک هێز و توانایی یەکگرتووی کورد دەبێ هەوڵ ئەدەین ، وتیشی : تا ئێستا هیچ هاوپەیمانیەکی فەرمیی بۆ پێکهێنانی فراکسیۆنی گەورەتری پەرلەمانیی نێوان کوردان پێک نەهاتووە .