دیداری وەزیری دەرەوەی ئێران و سەرۆک وەزیرانی هەرێمی کوردستان لە هەولێر
وەزیری دەرەوەی کۆماری ئیسلامیی ئێران و سەرۆک وەزیرانی ناوچەی کوردستانی ئێراق لە هەولێر دیدار و وتووێژیان کرد.
بە پێی ڕاپۆرتی ئیرنا؛ "محەممەد جەواد زەریف" وەزیری دەرەوەی ئێران و "نێچیرڤان بارزانی" سەرۆک وەزیرانی ناوچەی کوردستانی ئێراق ڕۆژی سێشەممە لە هەولێر سەبارەت بە پرسە دوولایەنە و ناوچەییەکان دیدار و وتووێژیان کرد.
بڕیارە زەریف لەگەڵ "مەسعوود بارزانی" سەرۆکی پارتی دیموکراتی کوردستانی ئێراقیش دیداری هەبێ.
وەزیری دەرەوەی ئێران لە درێژەی سەفەری چوار ڕۆژەی بۆ ئێراق، سەردانی سلێمانی، کەربەلا و نەجەفیش دەکات.
زەریف لە ماوەی دوو ڕۆژی ڕابردوودا لەگەڵ "بەرهەم ساڵح"ی سەرۆک کۆمار و "عادڵ عەبدولمەهدی" سەرۆک وەزیران، "محەممەد حەلبووسی" سەرۆک پەرلەمان، "محەممەد عەلی حەکیم " وەزیری دەرەوە، "سەید عەمار حەکیم" سەرۆکی ڕەوتی حیکمەت، شێخ "ئەکرەم کەعبی" بەڕێوەبەری گشتیی بزووتنەوەی "النجباء" و "هادی عامری" سەرۆکی فراکسیۆنی "البناء" ی ئێراق دیدارکردووە و لە کۆبونەوەی گەروەی چالاکانی ئابووریی ئێران و ئێراق لە بەغدا وتاری پێشکەش کردووە.
