سەرۆک پەرلەمانی هەرێمی کوردستان دیاری کرا
نوێنەرانی پەرلەمانی کوردستانی ئێراق ڕۆژی دووشەممە بۆ یەکەم جار ژنێکیان وەکوو سەرۆکی ئەم پەرلەمانە هەڵبژارد.
بە پێی ڕاپۆرتی ڕۆژی سێشەممەی رادیۆ و تەلەڤزیۆنی ئێران؛ "والا فەرید" ئەندامی پارتی دیموکراتیکی ناوچەی کوردستانی ئێراق بە شێوەی کاتی بووە بە سەرۆکی پەرلەمانی هەرێمی کوردستان.
"هێمن هەورامی" سەرۆکی فراکسیۆنی پارتی دیموکراتیکی کوردستان لە پەرلەمانی ئێراق ڕایگەیاند: هەتا ئەو کاتەی ڕێککەوتنی یەکجاری دەکرێ لە نێوان یەکێتی نیشتمانی کوردستانی ئێراق (UPK ) و پارتی دیموکراتی کوردستان ( PDK), "والا فەرید" بە شێوەی کاتی سەرۆکایەتی پەرلەمانی هەرێمی لە ئەستۆدا دەبێ.
ئەوە لە کاتێکدایە کە نوێنەرانی یەکێتی نیشتمانی کوردستانی ئێراق، کۆبوونەوەی پەرلەمانی ڕۆژی دووشەممەیان بایکۆت کرد و خوازیاری دەرفەتی زیاتر بوون بۆ ئەوەی سەبارەت بە پرسە دژوارەکان لەگەڵ پارتی دیموکراتی کوردستان لەوان مەسەلەی بەڕێوەبەرایەتی کاروباری پارێزگای کێشەلەسەری کەرکووک کە پارێزگایەکی نەوتخێزە، بیر و ڕا بگۆڕنەوە و بگەنە تەبایی.
