سێھەمین ڕۆژی بەردەوامی خۆپیشاندانە جەماوەرییەکەی ھەرێمی کوردستان
جەماوەری شارە جۆربەجۆرەکانی ھەرێمی کوردستان دژی گەندەڵی و لێنەھاتوویی بەرپرسانی ھەرێم دەستیان داوەتە خۆپیشاندان.
بە پێی ڕاپۆرتی بنکەی ھەواڵیی ئەلعەرەبی جەدید، خولی تازەی خۆپیشاندانەکان لە ھەرێمی کوردستان لە ڕۆژی شەممەوە بۆ ناڕەزامەندی بەرامبەر بە ڕەوشتی نالەباری ئابووری، دواکەوتن و بڕینی موچەی کارمەندان و گەندەڵی لە نێو حکومەت لە بڕێک لە شارەکانی ھەرێم سەری ھەڵداوە. حۆپیشاندەران لە شارەکانی کەلارو ھەڵەبجە ھەڵیانکوتاوەتە سەر داوەزراوە دەوڵەتیێیەکان و چەند بیناو ترۆمبیلێکی دەوڵەتییان سووتاندووە.
ھێزەکانی ئاسایشت ھەتا ئێستا زیاتر لە ٥٠ کەسیان قۆڵبەست کردووە.
«مەسرور بارزانی» سەرۆک وەزیرانی ھەرێم لە یەکەم کاردانەوەی دا سوتاندنی بنکەی لایەنەکان و بینا دەوڵەتییەکانی ئیدانەکردووەو بە تاوانی زانیوە.
ھەر لەم کاتەدا «سەرکەوت شەمسەدین» پەرلەمانتاری کوردی ئەنجومەنی نوێنەرانی عێراق، خۆپیشاندانەکانی لە ھەرێمی کوردستاندا بە جەماوەری و بەدوور لەئامانجی سیاسی زانیوەو وتوویەتی: سەرچاوەی ناڕەزامەندییەکان کێشەی ئابوورییە.
