دانیشتووانی زیاتر لە ٥٠٠ گوندی کوردنشینی عێڕاق کە بە هۆی شەڕ و پێکدادانەکانی نێوان سوپای تورکیا و هێزەکانی پەکەکە لە باکووری عێراق ئاوارە بوونە، هیوادارن بتوانن بەمزوانە بگەڕێنەوە سەر ماڵ و حاڵی خۆیان.

هیواداری بە گەڕانەوەی ئاوارە کوردەکانی عێراق پاش ئەوەی هاتۆتە ئاراوە کە پەکەکە ڕۆژی شەممە رایگەیاند کە کۆتایی هێناوە بە چل ساڵ شەڕی دژ بە حکومەتی تورکیا و ئاگربڕی ڕاگەیاندووە. ئەم ئاگربڕە دوابەدوای داخوازەکەی ئۆجالان سەبارەتی بە چەکدانانی گرووپەکەی ڕاگەیەندرا. هێزەکانی تورکیا لە ساڵانی رابروودا بەجاران  و بەردەوام لە باکووری عێراق ئۆپەراسیۆنی بەربڵاویان دژ بە چەکدارانی پەکەکە ئەنجام داوە و بنکەی سەربازیی زۆریشیان لەم ناوچەیە داناوە. دەیان گوندی باکووری هەرێمی کوردستان بە هۆی شەڕ و پێکدادانەکانی نێوان سوپای تورکیا و هێزەکانی پەکەکە بەتەواوتی چۆڵ کراون.