ئاب 05, 2020 04:53 Asia/Tehran
  • سەرۆک وەزیرانی عێراق ئامادەیی وڵاتەکەی بۆ ھاوکاری و داکۆکی کردن لە لوینان دەربڕی

سەرۆک وەزیرانی لوبنان داوای لەوڵاتانی هاوڕێ و دۆستانی لوبنان کردووە کە هاوکاریی وڵاتەکەیان بکەن و لە بەرامبەردا مستەفا کازمی سەرۆک وەزیرانی عێراقیش ڕایگەیاندووە کە عێراقییەکان بە ھەموو توانایەکەوە ئامادەی هاوکاری کردنن.

بە پێی ڕاپۆرتی میدیاکانی عێراق، حەسەن دیاب، سەرۆک وەزیرانی لوبنان، لەوتارێکدا رایگەیاندووە، داوا لەوڵاتانی هاوڕێ و دۆستی لوبنان دەکەین هاوکاری بەیروت بکەن، ئەوەش دوای ئەوەی بەهۆی تەقینەوەکەی ئێوارەی ڕۆژی  سێ شەممە  وەزارەتی تەندروستیی ئەو وڵاتە کوژرانی 50 کەس و برینداربونی زیاتر لە 3 هەزار کەسی راگەیاند.

لای خۆشییەوە، مستەفا کازمی سەرۆک وەزیرانی عێراق هاوخەمیی خۆی و گەلانی عێراقی بۆ لوبنان دەربڕی و رایگەیاند ئامادەن بۆ پێشکەشکردنی هەمو جۆرە هاوکارییەک بە لوبنانییەکان.

سەرۆک وەزیرانی عێراق راشیگەیاند، لەم کاتە سەختەی کە لوبنانییەکان پێیدا تێپەڕدەبن، شان بەشانی خەڵکی لوبنان دەوەستین بۆ شان دانەبەر ناخۆشییەکان و هیوای زو چاکبونەوەی بۆ بریندارەکان دەخوازین.

ئەمەو لە لایەکی دیکەوە،«موحەممەد حەلبوسی» سەرۆکی پەرلەمانی عێراق لەپەیوەندییەکی تەلەفۆنیدا لەگەڵ هاوتا لوبنانییەکەی، هاوخەمیی عێراقی بۆ لوبنانییەکان دوپات کردەوە و رایگەیاند، عێراقییەکان بە هەموو دامەزراوە و تواناکانیانەوە هاوکاریی لوبنانییەکان دەکەن.

سەرپەیڤ

بۆچوونت