خەڵکی مینەسوتا دیسان بۆ ناڕەزایەتی دەربڕین بەرامبەر بە دووەم تەقەی هێزی ئیدارەی کۆچبەریی و گومرکیی ئەمریکا (ICE) لە دانشتوانی ئەم شارە، دیسان ڕژانە سەر شەقامەکان.

دوابەدوی دووەم ڕووداوی تەقەی هێزەکانی ئیدارەی کۆچبەریی و گومرکیی ئەمریکا لە شاروومەندانی مینەسوتا لە ماوەی یەک هەفتەی ڕابردوودا، خەڵکی ئە شارە دیسان ڕژانە سەر شەقامەکان و خوازیاری چوونەدەری ئەم هێزانە لە شارەکەیان بوون. دۆناڵد ترەمپی سەرۆکی ئەمریکا لە جەنگەی ناڕەزایەتی دەربڕینەکانی دژ بە ئیدارەی کۆچبەری و گومرکی ئەمریکا هەڕەشەی کردووە کە یاسای سەرهەڵدان دژ بە ناڕازییان بەکاردێنێ.