وەزارەتی تەندروستی دەوڵەتی هەرێمی کوردستانی ئێراق لە کاردانەوە بە پەرەی نیگەرانیەکان لەو هەرێمە لە پەیوەندی لە گەڵ پەرەی ئاماری شێر پەنجەی ژنان ، بە دەرکردنی بەیاننامەیەک ڕایگەیاند کە ئەو نەخۆشینە لە هەرێمی کوردستانی ئێراق کەمتر لە ستانداردەکانی جیهانیە .

 وەزارەتی  تەندروستی  هەرێمی کوردستانی  ئێراق  وتیشی : لە ساڵی 2015ی زایینی  لە هەرێمی کوردستانی  ئێراق لە هەر  سەد  هەزار  کەس 99 کەس تووشی  شێرپەنجە بوونە  کە  ئەو  ئامارە  لە  ساڵی 2016ی  زایینی گەیشتە  97 کەس .  بە پ ێی  ئەو  بەیاننامەیە  تێکڕای  تووشبووان  لە ساڵی 2016ی زایینی  لە هەرێمی کوردستانی ئێراق گەیشتووەتە  پێنج هەزار و 85  کەس .  

شایانی  باسە  زۆربەی  تووشبووان  ژنانن . وەزارەتی  تەندروستی  هەرێمی  کوردستانی  ئێراق  هەروەها   داوای  لە خەڵکی    ئەو  وڵاتە    کرد  تا  بۆ  تووشنەبوون  بە  نەخۆشی  شێر پەنجە ڕووبکەنە  بەکارهێنانی  زۆرتری  مێوە و سەوزە  و خۆراکی   سالم و هەوڵ  بدەن   وێڕای  کەم کردنەوەی   سیگار  و  ئەلکول  وەرزش  لە  ئەولەویەتی  بەرنامەکانی ڕۆژانەی   خۆیان دابنێن . بە وتەی  وەزارەتی   تەندوروستی  هەرێمی  کوردستانی   ئێراق  چەندین  ناوەندی  پسپووڕی  لە شارەکانی  سلێمانی  و هەولێر  بۆ دەرمانی   نەخۆشەکانی  شێرپەنجە  سەرەڕای  قەیرانی  دارایی   وەڕێ خراوە .