کارناسی پرسی کوردەکان: داکۆکی ئەمریکا لە کوردەکان لە پێناو بەرژەوەندییەکانی ئەو وڵاتە
یەروان سەعید دەڵێت داکوکی ئەمریکا لە کوردەتان تا کاتێک کە خۆی لە دەستێوەردانی لە ناوچەی ڕۆژهەڵاتی ناڤین دوور دەخاتەوە، لە پێناو بەرژەوەندییەکانی ئەم وڵاتەیە.
بەپێی ڕاپۆرتی کوردپرێس ، ڕۆبێرت فۆرد باڵوێزی پێشووی ئەمریکا لە سوریا ئەم دواییە بەڕوژنامەی شەرقولئەوسەتی وتووە گەورەترین هەڵەی کوردەکان لە سوریا متمانە کردن بە ئەمریکایە.
واشینگتۆن پشت لە کوردەکان دەکات . لەلایەکی دیکەشەوە وەزیری بەرەڤانیی تورکیا ئیدیعای کردووە کە ئەمریکا بەڵێنی بەوان داوە دوای کۆتایی هاتنی شەڕ لەگەڵ داعش لە ڕەقە، چەکە پێشکەشکراوەکانی خۆی بە یەپەگە لەوان وەربگرێتەوە.
یەروان سەعید لێکۆڵەری پرسی کوردەکان و ناوچەی ڕۆژهەڵاتی ناڤین بە نیۆزڤیکی وتووە ئەمریکا هەتا کاتێک کە لە ناوچە بمێنێ پێویستی بە یارمەتی کوردەکان هەیە کەوایە داکۆکی کردنی ئەم وڵاتە لە وان پێویستە.
ناوبراو وتیشی : ئەگەر ڕەقە لە دەستی داعش ئازاد بکرێت تاقمە توندڕەوەکانی دیکە بۆشایی ئامادەبوونی داعش پڕ دەکەنەوە.
داکۆکی کردنی ئەمریکا لە کوردەکان لە پێناو بەرژەوەندیی ستراتژیکی ئەمریکایە مەگەر ئەوەی کە ئەمریکا بیەوێ بە شێوەی تۆکمەوتەواو لە سوریا وڕوژهەڵاتی ناڤین وەدەرکەوێ.
