پەلاماری داعش بۆ سەر ناوچەی زرگە لە تووزخۆرماتۆ هەڵکەوتوو لە پارێزگای سەلاحەدینی ئێراق لە لایەن هێزەکانی پێشمەرگەوە بەرپەرچ درایەوە لەو تێکهەڵچوونە دا سێ کەس لە هێزەکانی پێشمەرگە بریندار بوون .

 بە گوێرەی  ڕاپۆڕتی   کورد پرێس  سەرگورد  کامران ئەحمەد  لە تیپی 11  هێزەکانی پێشمەرگە  لە وتووێژ  لە گەڵ  کاناڵی ڕووداو   ڕایگەیاند  کاتژمێر  یەک و چل  خولەکی ڕۆژی  دووشەمە  سێی  جوولای   داعش  پەلامارێکی  بەربڵاوی  دژی    هێزەکانی  پێشمەرگە  لە ناوچەی  زرگە  هەڵکەوتوو  لە توزخورماتو   ئەنجام دا . ناوبراو  وتیشی  : هێزەکانی  پێشمەرگە  پێشتریش  ، لەو  پەلامارە ئاگادار بوونەوە  و هەر بەو بۆنەوە  لە کاتی  ئەنجام دانی  پەلامارە  که ، کاردانەوەەیکی   شیاویان  پیشان داوە  و دوای  کاتژمێرێک  پەلامارەکانی  ئەوان  بەرپەرچ درایەوە . ئەو  فەرماندەرەی    هێزەکانی  پێشمەرگە   ڕایگەیاند  لەو تێکهەڵچوونە دا   سێ کەس  لە هێزەکانی  پێشمەرگە  بریندار بوون  کە  برینەکەیان   سووکه و   و کێشەیەکی  تایبەتیان  نیە . گوندی  زرگە  هەڵکەوتە  لە ڕۆژئاوای  توز خورماتو  لە کونتڕوڵی  هێزەکانی  پێشمەرگە بووە  و ئەو  هێزە  خەریکی  هەڵقەندنی  خەندەقێک  بە درێژایی  43  کیلومەتر  و سازکرانی    تاوەرێک  لە پێناو  پاراستنی  هەرچی  زیاتر  لە هەمبەر  پەلامارەکانی  بە دوای  یەکی  داعش  بۆ سەر ئەو ناوچەیەیە .