ئەندامی فراکسیۆنی بزووتنەوەی گۆڕان لە پەرلەمانی کوردستان لەسەر پێویستیی خێرایی دان بە چارەسەرکردنی پرسی سەرۆکایەتی هەرێمی کوردستانی ئێراق و چالاک کردنەوەی پەرلەمانی کوردستان، پێداگری کرد .

بەپێی ڕاپۆرتی کورد پرێس، بیستون  فائق  لە وتووێژ لەگەڵ هەواڵدەریی نەتەوەیی ئێراق نینا بە ڕاگەیاندنی ئەمەی بزووتنەوەی گۆڕان هەروا داوای پێداچوونەوە لە یاسای سەرۆکایەتی هەرێم و چارەسەرکردنی  ئەم گرفتە دەکات، وتی: بزووتنەوەی گۆڕان و پارتی لە کۆبوونەوەی بەم زووانەی خۆِ دەبێ ڕەوشی ئێستای هەرێم لەبەرچاوبگرێت و هێورتر بێت  بۆ چارەسەرکردنی گرفت و ناکۆکییەکانی نێوانیان.

فائق  لەسەر پێویستیی چالاک کردنی خێرای  پەرلەمانی هەرێمی کوردستان بێ  هیچ چەشنە شەرت و مەرجێک و ناکۆکی سیاسی بە ئامانجی  باشترکردنی رەوشی سیاسی، ئابووری و ژیانی شارومەندانی هەرێمی کوردستان، پێداگری کرد .