سەرچاوە ئاسایشییەکانی تورکیا ڕایانگەیاند؛ سوپای ئەو وڵاتە ئۆپراسیۆنی ئاسمانیی لە باکووری ئێراق ئەنجام داوە.

ماڵپەڕی تەلەفزیۆنی تی ئاڕ تیی تورکیا، ئیدیعای کرد؛ پێنج ئەندامی پارتی کرێکارانی کوردستانی ئەو وڵاتە(پەکەکە) لەهێرشی فڕۆکە جەنگییەکانی سوپای تورکیا بۆسەر پێگەکانی ئەو گرووپە لەباکووری ئێراق، کوژران.

پەلاماری ئاسمانیی تورکیا بۆسەر باکووری ئێراق بەبیانووی بەرەنگاربوونەوەی پارتی کرێکارانی کوردستانی تورکیا لەکاتێکدایەکە حکومەتی ئێراق چەندین جار ناڕەزامەندیی خۆی لەوبارەوە بەئاگاداریی بەرپرسانی تورک ڕاگەیاندووە.

بەغدا دەڵێ، سوپای تورکیا نابێ بەبیانووی کردنەئامانجی گرووپە نەیارەکان، سنووریی ئاسمانیی ئەو وڵاتە ببەزێنێ.

بەپێی ڕاپۆرەکان، لە پەلاماری ئاسمانیی تورکیا بۆسەر باکووری ئێراق تائێستا  بەسەدان کەسی سیڤیل کوژراون یان بریندار بوون.