بەرپرسی کۆنسولخانەی کۆماری ئیسلامی ئێران لە هەولێر لە ڕاگەیێندراوێکدا داوای لە ئێرانیانی دانیشتووی هەرێم کرد لەنزیکبوونەوە لە شوێنەکانی بەڕێوە چوونی خۆپێشاندان و گردبوونەوەکان لە هەرێمی کوردستان خۆببوێرن.

بەرپرسی کۆنسولخانەی کۆماری ئیسلامیی ئێران لە هەولێر، لە ڕاگەیێندراوێکدا بەسەرنجدان بە بەڕێوەچونی خۆپێشاندان و گردبوونەوەی ناڕەزامەندانە لەڕۆژانی ڕابردوو لەهەندێ شاری هەرێمی کوردستانی عێراق، داوای لە ئێرانیان دانیشتووی ئەو هەرێمە کرد خۆببوێرن لە نزیک بوونەوە لە شوێنەکانی بەڕێوە چوونی خۆپێشاندان و گردبوونەوەکان.

بەپێی ڕاپۆری هەواڵدەریی خوێندکارانی ئێران(ئیسنا)؛ لەڕاگەیێندراوی بەرپرسی کۆنسولخانەی ئێران لە هەولێردا هاتووە؛ بە لەبەرچاوگرتنی بەڕێوەچوونی خۆپێشاندان و گردبوونەوەی ناڕەزامەندانە لەڕۆژانی ڕابردوودا لە هەندێ شاری هەرێمی کوردستانی عێراق، بەم چەشنە هاووڵاتیانی خۆشەویستی دانیشتووی هەرێمی کوردستانی عێراق ڕادەسپێرین، بە پاراستنی هۆشیاری و گرینگیدان بە ئاگاداریی کردنە پێویستەکان، لەنزیکبوونەوە لە شوێنەکانی بەڕێوەچوونی خۆپێشاندان و گردبوونەوەکان بەجیددی خۆببوێرن.

بەپێی ئەو ڕاپۆرە، کوردستانی عێراق لەچەند ڕۆژی ڕابردوودا شایەتی خۆپێشاندانی جەماوەری بووەو خەڵک خوازیاری درانی مووچە، ئامادەکردنی ئیمکانات و پێکهێنانی حکومەتی نوێ لە کوردستان بوون.