یەکێ لە کاربەدەستانی ناوچە سەر سنووریەکانی هەرێمی کوردستانی عێراو ڕایگەیاند کە لەشکەر کێشی تورکیا بۆ سەر ناوچە باکوورییەکانی هەرێمی کوردستان بە کەرەستە و ئامێرەکانی سەربازی قوورس درێژەی هەیە .

 بە گوێرەی ڕاپۆرتی کورد پریس، ئیحسان عەبدولقادر بەڕێوە بەرایەتی ناوچەی سەیدەکان هەڵکەوتوو لە باکووری هەرێمی کوردستانی عێراق و هاوسنووری تورکیا لە وتوویژی لەگەڵ ماڵپەری دەنگ وباسی سی ئین ئین ڕایگەیاند کە سوپای تورکیا خەریکی ئامادە کردنیی کارو باری پێشەکی لەشکەر کێشی و ئۆپەراسیۆنی سەربازی بەربڵاو لە خاکی هەرێمی کوردستانە و هەر بۆیە هێزە سەربازییەکان و کەرەستە وچەکی قوورس بە کوپتێرە سەربازییەکان دەباتە نێو خاکی هەرێم و لە ڕێکەوتی ١٨ دیسەمبەر یش دەستی داوەتە ڕۆنانی پرد و جاددەی سەربازی و پێشەکییەکانی کارو باری  لۆجێستیکی و تانک و زڕێپۆشەکانی خۆی ڕاگواستووە بۆ ناوەوەی خاکی هەرێم .

 ئیحسان عەبدولقادر،  بەڕێوە بەرایەتی ناوچەی سەیدەکان لە باکووری هەرێمی کوردستانی عیراق وتیشی:  کە هێزە سەربازییەکانی تورکیا لە چیای کەتکین، شەنشان،کانی ڕەش، چیارەش و ژمارێکی دیکە لە ناوچەکان لە قووڵایی شەش کیلومەتری خاکی هەرێم دان و لە گلیئاری، خواکورک گرووپە کانی سەربازی تورکیا سەقامگیر بوونە و بە بیانووی ئامادەبوونی  هیزەکانی پەکەکە ، بۆ خۆیان پیگە و ناوەندەی پشکنین  چێکردووە و فڕۆکە جەنگییەکانی سوپای تورکیا یش بە شێوەی بەردەوام لە ئاسمانی ناوچەکە دان وناوچە سنوورییەکانی هەرێم بۆمباران دەکەن .

 بە وتەی ئەم کاربەدەستەی هەرێمی کوردستان، لەم ناوچە گەلە لە درێژەی ڕۆژانی ڕابردوو تێکهەڵچوون گەلێک لە نێوان هێزەکانی پەکەکە و سەربازییەکانی تورکیا ڕوویان داوە بەڵام زانیاری وردانە لە ڕادەی زەرەر و زیانی ئەم تێکهەڵچوونانە لە بەر دەست دانییە . ئەو بە ئاماژە بە چۆڵ کردنی ناوچەکە لە دانیشتووانی وتی کە ئامادە بوونی سەربازییەکانی تورکیا و چالاکی ئەوان بە ئاگاداری  کاربەدەستانی هاوپێوەند لە دەوڵەتی هەرێمی کوردستانی عێراق گەییشت.