کۆبوونەوەی شاندی هاوپەیمانی و گۆڕان و کۆمەڵ لەگەڵ عەبادی کۆتاییهات
کۆبوونەوەی شاندی هاوپەیمانیی دیموکراسی دادپەوەری و بزووتنەوەی گۆڕان و کۆمەڵی ئیسلامی لەگەڵ حەیدەر عەبادی سەرۆک وەزیرانی عێراق کۆتاییهات.
ئێوارەی دوێنێ شاندی هاوپەیمانی دیموکراسی و دادپەروەری، بزوتنەوەی گۆڕان و کۆمەڵی ئیسلامی گەیشتنە شاری بەغدا و نیوەڕۆی ئەمڕۆش لەگەڵ حەیدەر عەبادی سەرۆک وەزیران عێراقدا کۆبووەوە.حەسەن جیهاد، ئەندامی شاندی هاوپەیمانی و گۆڕان و کۆمەڵ راگەیاند، "لەکۆبوونەوەماندا لەگەڵ حەیدەر عەبادی باسی مافەکانی هاوڵاتیانی هەرێمی کوردستانمان کردو عەبادی گوێی لەداواکارییەکانمان گرت".ئاماژەی بەوەشکرد، "حەیدەر عەبادی پێی راگەیاندین ئەوان جیاوازی لەنێوان هاوڵاتیانی هەرێم و ناوچەکانی دیکەی عێراقدا ناکەن".حەسەن جیهاد ئەوەشی وت، بڕیارە راگەیەندراوێک لەبارەی کۆبوونەوەیان لەگەڵ حەیدەر عەبادی بڵاوبکەنەوە.شاندەکە پێکھاتوون لە خانم رەحیم و حەسەن جیھاد لە ھاوپەیمانی دیموکراسی و دادپەروەری، شۆڕش حاجی و رەئوف عوسمان لە بزوتنەوەی گۆڕان، محەمەد حەکیم و ئەحمەد حاجی رەشید لە کۆمەڵی ئیسلامی.
