دزەیی : کاتی سەردانەکەی نێچیروان بارزانی بۆ بەغدا دیار نیە
وتەبێژی حکومەتی هەرێمی کوردستانی عێراق دیاری کرانی کاتی سەردانی نێچیروان بارزانی بۆ بەغدای رەت کردەوە .
بەپێی راپۆرتی کەناڵی تەلەفزیۆنیی ئەلحەدەس ، سەفین دزەیی جەختی کردەوە هێشتا کاتی سەردانی نێچیروان بارزانی سەرۆک وەزیرانی هەرێمی کوردستاتی عێراق بۆ بەغدا دیاری نەکراوە .
عەباس ئەلبەیاتی نوێنەری هاپویەمانیی نیشتمانیی عێراق ، بەر لەوە رایگەیاندبوو بارزانی لە رۆژانی داهاتوودا سەردانی بەغدا دەکات تا چوارچێوەیەک بۆ وتووێژ لە بارەی دۆسیە ئاڵۆزکاوەکانی نێوان حکومەتی ناوەندیی عێراق و حکومەتی هەرێمی کوردستانی عێراق لە چوارچێوەی دەستووری ئەم وڵاتەدا دیاری بکرێت .
کۆپرسیی جیابوونەەی هەرێمی کوردستان لە9عێراق کە بیست وپێنجی ئەیلوولی رابردوو بەڕێوە چوو ، پێوەندی نێوان بەغدا و هەولێری تێک دا . ئەو دانوستانانەی کە تا ئێستا بۆ نەهێشتنی ناکۆکیەکانی نێوان بەغدا و هەولێر ئەنجام بووە ، بووەتە هۆی نزیکیی زیاتری دوو لایەن و کەمبوونەوەی ناکۆکیەکان .
