دانیشتنی پڕۆفشناڵی لێکدانەوەی لەمپەرەکانی بەردەم پەرەی پەیوەندیی ئێران و هەرێمی کوردستانی ئێراق بە ئامادە بوونی پارێزگاری ئازەربایجانی ڕۆژئاوایی و پارێزگاری سلێمانی و هەروەها کۆڕێک لە بەڕێوەبەران بازەرگانی و چالاکانی ئابووریی دوو لایەنە بەڕێوە چوو .

 بە گوێرەی ڕاپۆڕتی کورد پرێس ؛ لە درێژەی بەرنامەکانی چوارەمین کونفڕانسی پەرەی پەیوەندیی ئابووریی کۆماری ئیسلامی ئێران  و هەرێمی کوردستانی ئێراق دانیشتنی  پڕۆفشناڵی لێکدانەوەی لەمپەرەکانی بەردەم  پەرەی پەیوەندیی ئابووریی  ئێران و هەرێمی کوردستانی ئێراق بە ئامادە بوونی موحەمەد مەهدی شاریاری " پارێزگاری  ئازەربایجانی ڕوژئاوایی  و هەواڵ ئەبووبەکر  پارێزگاری  سلێمانی  و هەروەها  کۆڕێک لە بەڕێوەبەرانی بازەرگانی و چالاکانی ئابووریی دوو لایەنە  بەڕێوە چوو. لەو دانیشتنە دا دوو لایەن جەختیان کرد لەسەر  پێویستیی لەناو بردنی لەمپەەرکانی  بەردەم  گەشەی  هاوکاریە بازەرگانی و ئابوورییەکانی  نێوانیان و هەرەها  پێویستی پێ و شوێن گرتن و جێ بە جێ کردنی  لێکگەییننامە هاوبەشەکان. موحەمەد مەهدی شاریاری "  لە  دانیشتنی  پڕۆفشناڵی لێکدانەوەی لەمپەرەکانی بەردەم  پەرەی پەیوەندیی ئابووریی  ئێران و هەرێمی کوردستانی ئێراق  کە لە شاری هەولێر بەڕێوە چوو  وتی: بە پێی  ڕێککەوتنامەکە لە سەفەری ئەم دواییەی پارێزگاری هەولێر  بۆ ورمێ  بڕیار درا  پرسەکان و کێشەکانی بەردەم  لە سنوورە هاوبەشەکانی نێوان هەرێمی کوردستان و ئازەربایجانی  ڕۆژئاوایی  بە شێوەی مانگانە  لە لایەن  فەرماندارانی پیرانشار و چومانی ئێراق لێک بدرێتەوە . پارێزگاری ئازەربایجانی ڕۆژئاوایی  لە پەیوەندی لە گەڵ گەڵاڵەی  لێکدانەوەی  پرسی  کۆڵبەرانیش وتی : لە لایەن دەوڵەتی  ئێرانەوە  بڕیارگەلێکی باش بۆ  ئەو گەڵاڵەیە و پاراستنی  کەرامەتی  خەڵک دراوەکە بە پێ میکانیزمێکی  دیارکراو  دەتوانن لە ڕێگای بازاڕچە سنووریەکان و لە ژێر چاودێری  ؛ دەس بکەن بە هاوەردەی کاڵا و گوزەرانی ژیان .  هەواڵ ئەبووبەکر  پارێزگاری  سلێمانیش وتی :  هیوادارین  بە هەوڵی  دوولایەنە  زیاتر لە ڕابردوو  پەیوەندی ئابووری و بازەرگانیی نێوان هەرێم لە گەڵ کۆماری ئیسلامی ئێران بە تایبەت  پارێزگای  ئازەربایجانی ڕۆژئاوایی  پەرە  بستێنێ . فەرماندارانی  پرانشار  سەردەشت  و شنۆ ش  لەو دانیشتنەدا   وێڕای  هاوردنە ئەژماری تواناییەکان و بارستاییەکانی ئەو  شارگەلە  ئامادەیی  خۆیان  لە پێناو  پەرەی پەیوەندی   بازەرگانی  و ئابووری  لە گەڵ هەرێمی کوردستانی ئێراق  ڕاگەیاند .