گۆڕان لەگەڵ نوێنەری نەتەوەیەکگرتووەکان و کونسڵی وڵاتان کۆدەبێتەوەو بۆ بەرگرتن لە کاری ساختەکاری داوایان لێدەکات، چاودێری پرۆسەی هەڵبژاردن بکەن.

میدیاکانی گۆڕان بڵاویان کردەوە، گۆڕان بەفەرمی کونسڵخانە و باڵیۆزخانەکان لە هەرێمی کوردستان و عێراق بۆ چاودێری کردنی هەڵبژاردنی پەرلەمانی کوردستان ئاگادار دەکاتەوە و داوا لە وڵاتان دەکات رێگری لە ئەنجامدانی ساختەکاری بکەن. لە وەڵامی گۆڕاندا یەکێتی ئەوروپاو ئەمریکا و نێردەی یۆنامی و بەریتانیاو چەند وڵاتێکی تر ئامادەیی خۆیان بۆ چاودێری کردنی  پرۆسەکە دەربڕیوە.

میدیای ئەو حیزبە ئاماژە بۆ ئەوە دەکات هۆشیار عومەر عەلی، رێکخەری ژووری پەیوەندیە دیبلۆماسیەکانی بزوتنەوەی گۆڕان لە نامەیەکی فەرمیدا زانیاری پێشوەختەیان داوەتە سلکی دیپلۆماسی وڵاتان سەبارەت بە هەڵبژاردنەکەی 30 ی ئەیلولی پەرلەمانی کوردستان.

هۆشیار عومەر عەلی باسی لەوەش کردووە گۆڕان لەگەڵ نوێنەرانی یەکێتی ئەوروپاو ئەمریکاو نێردەی یۆنامی و بەریتانیاو چەند وڵاتێکی تر کۆبۆتەوەو ئەو وڵاتانە ئامادەیی خۆیان بۆ چاودێری کردنی هەڵبژاردنی خولی پێنجەمی  پەرلەمانی هەرێمی  کوردستان  دەربڕیوە.